Ovanailonga vepangelo ve li vatatu ova holoka momhangu yamangestrata koGobabis Omaandaxa eshi vati va yandja eetenga domeva koshiwana okupitila moulingilingi.
Ovanhu ava vatatu okwa li va mangwa po Etitano kokomisi yokulwifa oulingilingi.
Ova dja kombelewa yokwaandjakaneka omeva okomikunda moministili younamapya nounaimuna, eeshi, omeva nomatendululo omadu moshitopolwahoololo shaMaheke.
Ovo nee Katjimune Lion, Tjaondo Festus naMbingana Albert.
Momukanda wa pitifwa Omaandaxa, omupopiliko wokomisi yokulwifa oulingilingi Marina Matundu okwa ti omakonakono okwa holola kutya omikanda dopambelewa doipupulu okwa li da yandjwa kofitola yepangelo moshitopolwahoololo shaMaheke opo va pewe eetenga deelita di li 10 000 domeva.
Eteenga okwa li da nuninwa oshiwana shokOrunarongwe Post moshikandjohoololo shaTjinene nokOtjijaura Post moshikandjohoololo Epukiro.
“Omakonakono aa mona kutya eetenga domeva okwa li da kufwa mo mofitola yepangelo muNovemba 2025, ashike okwa li da longifwa po oinima yopaumwene yovanambelewa ile ovanhu vamwe vopaumwene ponhele yokutwalwa oko da nuninwa,” Matundu osho a ti ngaho.
Okwa ti eetenga mbali domeva oda monika ndee tadi kufwa ko kwaavo va hangika nado notadi a lulilwa keefitola depangelo mopashitopolwahoololo shaMaheke.
Ovafeekelwa vatatu okwa li va pewa obooloha yoshimaliwa shi fike poN$10 000 keshe umwe.
Oshipofa osha undulilwa komesho momafiku 25 Marsa.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
