Ovalandifi vomomatala aMuthiya Etivali okwa li va kufa ombinga momunyanyo wa yuka kombelewa yangoloneya va ka yandje omukanda u li ominge novalandifi ovo vehe fi vomoshilongo.
Omukalelipo wongudu Hilaria Shikongo okwa ti omukanda otau holola ehandu, ashike natango otau pula yoo eyambidido, etambuleko newiliko leengeshefa dishona nodopokati novalandifi vomomapandaanda modoolopa.
“Otu li apa tu yandje enyenyeto letu lakula kombinga yovalandifi vomomapandaanda va dja koAngola tava ningi vahapu, ovo tava ngeshefa moNamibia puhe na omikanda da sha ile omikanda dokulandifa,” Shikongo osho a lombwela ngoloneya Sacky Kathindi ngaho.
Okwa ti ovalandifi vokondje yoshilongo ova ninga unene vahapu konima yOkolona, osho tashi eta oiyemo yavo i shune pedu nokutula moshiponga omaxupilo avo.
“Fyee ovanangeshefa vomomapandaanda paife itatu dulu vali okufuta omayakulo etu amuni nokutuma ounona vetu kofikola shaashi otwa kanifa oiyemo. Ovalandi paife ohava lande ashike oinima yovadjaidjai shaashi ohava landifa kombixa, osho tashi eta Ovanamibia vahapu va idile eengeshefa davo,” Shikongo ti ngaho.
Ovalandifi vomoshilongo otava pula enyamukulo moule womafiku 14 oilonga.
Otava pula yoo vali kutya ovalandifi vokondje yoshilongo nava indikwe okulandifa tava keenu, shapo nava pewe onhele yokulandifila.
Pakuweda po, ongudu oya hala ovalandifi vomomapandaanda ovo vehe fi vomoshilongo va nyolife eengeshefa davo, va fute oishoshela nokumona omikanda doilonga opo ku kelelwe okulandifa kuhe li paveta.
“Otwa hala okwaamenwa komafiyafano ehe li pauyuki ndee taku kwashilipalekwa kutya oufemba wetu wokumona oiyemo owa fimanekwa,” ongudu osho ya ti ngaho.
Kathindi okwa tambula ko ovalandifi ava ndee te va kwashilipaleke kutya omanyenyeto avo otaa talwa nawa okupitila meenghundafana nomilandu domondjila.
“Onda mona omukanda ndee ohandi ka kala omutumba nelelo lomondjila ndee hatu kwashilipaleke ovalandifi ava vomoshitopolwa ova mona enyamukulo,” osho a ti ngaho.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
