Ovakulupe vavali ovamwe vomovalumenhu ve li o-14 va mangwa po shi na sha nokudipaya eemhada di li hetatu mEtosha.
Komufala wopolifi kOmusati, komisina Ismael Basson, okwa koleka oshinima eshi, ndee ta ti ovatamanekwa ova kwatakanifwa noshipofa shonomola CR104/03/2026.
Mokati kaavo va mangwa po omwa kwatelwa Thomas Jafet (66), e shiivike nawa nedina “Familia”, naTimoteus Amuthenu (60).
Okwa li va mangwa po momafiku 22 Apiilili.
Omutamananekwa umwe, Andreas Shanghala (35), okwa dja komukunda Oshuukwa moshikandjohoololo shaKahao. Ndeulikusa Kunasha (56) okwa dja komukunda Onheleiwa moshikandjohoololo shaEtayi.
Opolifi natango oya ditika po Petrus Mumbala (47), omukalimo womOluvango moshikandjohoololo shaAnamulenge.
Mumbala, oo e li omukwati weeshi koCape Town, okwa li a mangwa po momafiku 31 Januali neudo.
Tjambiru Vetengapo (30), a dja kOkauua moshitopohoololo shaKunene, naye oumwe womovatamanekwa.
Omutamanekwa umwe, Kapenduka Ruhozu (35), a dja kOhungumure moKunene, okwa lombwela opolifi kutya omunangeshefa mEvululuko mOshakati, omo e na kandingosho.
Paulus Matias (25), a dja kOshifo moshikandjohoololo shaRuacana, okwa li a mangwa po momafiku 02 Mei.
Ovatamanekwa vamwe ovo Efraim Malakia (30), a dja kUutsathima naLuvisiana Muzuma (33), a dja koTjangee moshikandjohoololo shaRuacana.
Opolifi natango oya manga po Elifas January (44), vati ha longele Meatco.
Omupopiliko woministili yomidingonoko Vilho Hangula okwa lombwela oThe Namibian Etivali kutya eemhanda hetatu okwa li da dipawa neudo, nhee dilaula nanhee ditoka.
“Heyali domwaadi, okwa li da dipawa mEtosha, omanga imwe kwa li ya dipawa kofaalama yopaumwene. Momudo 2025 okwa li tu na eemhanda di li omuwoi da dipawa okudja muJanuali fiyo Apiilili,” osho a ti ngaho.
She likolelela kuHangula, oiningwanima ei inhe oya ningwa kouninginino wEtosha, omanga itatu kwa li ya ningwa koushilo wEtosha.
Okwa ti eemhanda ashike nhee kwa li da dipawa moshitopolwahoololo shaMusati.
Ashike nande ongaho, okwa anya okutya ko sha kombinga yeendudu odo vati hadi ndudula di amene ovakongo, ta ti ouyelele u li ngaho owa nyika oshiponga.
“Oshixwepo ngee oministili ya mwenene ouyelele ou wa nyika oshiponga notashi dulika udanene omakonakono oo e li metifa,” osho a ti ngaho.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
