Ovakalimo vomOmuthiya Oshoondaxa pefimbo loshoongalele shoshiwana ova holola enyeme lavo kombinga yewiliko lodoolopa tali dopa okupangela omalamba omomapandaanda, okuteta oixwa modoolopa, okuwapaleka odoolopa, okuongela oimbodi momaumbo nokuungaunga nonghalo youkoshoki momatala okulandifila.
Eshi kwa li ta popi poshoongalele, Valombola Kwanza okwa ti omatala otaa monika a kaka neenghono okudja konima ndee otashi eta edimba lihe fi liwa monhele yokulandifila.
“Elelodoolopa nali ninge po sha. Ohava i ngaa nande omoshiwana ndee tava ka konakona?
Onhele oyo oya nyika oshiponga koundjolowele,” osho a ti ngaho.
Omukalimo umwe, Ndinelago Ihengu, okwa ti omalamba koextension 1 aa kala a dima okudja odula ya dja ko ndee oshinima eshi okwa li sha lopotwa kombelewa yelelodoolopa, ashike kapu na eshi sha ningwa po fiyo opapa.
“Odoolopa oi na oixwa nomiti inadi pumbiwa odo tadi eta eemwe ndee natango ngee ovanhu tava nyenyeta, oshikumungu eshi ohashi pula efimbo okupotokononwa.
Onghalo omo mu na ovanhu vomOmuthiya oya pumbwa okuyambulwa po,” osho a ti ngaho.
Mayola wodoolopa Wilbard Anyemba okwa ti elelodoopa ola kundafana oshikumungu eshi nehangano lokwaandjakaneka olusheno konooli ledina Northern Regional Electricity Distributor neenghendaba odi li metifa dokuwapaleka nokupangela omalamba oo a nyanauka.
Okwa ti ombelewa yaye otai ka konakona onghalo youkoshoki yomatala ndee tai ningi osho sha pumbwa okuningwa po.
“Omilandu oda tulwa moilonga kuyambulwe po okuwilika oimbodi nomudingonoko wa yela modoolopa, ashike opo ovanailonga velelodoolopa va dule okukufa po oimbodi pomaumbo eni, ovakalimo nava tule omandoloma avo oimbodi pondje yeehofa davo mefiku olo oimbodi hai ongelwa, shaashi ovanailonga inava pitikwa va ye momaumbo ovanhu,” osho a ti ngaho.
Anyemba okwa ti oshoongalele shotete shoshiwana shomudo otashi lalakanene okweeta oshiwana pamwe, okupaafana ouyelele, okuxwaxwameka elongo lopauyelele nokunghonopeka ekalelepo loinima.
-NAMPA
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
