Ounona vofikola ve li 15 koRundu Secondary School moshitopolwahoololo shaKavango Uninginino ove li moshipangelo shepangelo koRundu eshi taku feekelwa va lya oikulya i na oudiyo.
Omukunhulu womuhandjo Samuel Marungu okwa koleka kutya ounona ve li 283 ova ulika ve na omadidiliko oshimela omanga ve li 15 kwa li va twalwa koshipangelo ve na oshimela sha mana mo.
Ashike nande ongaho okwa ti kave shii ngee oshimela osha etwa koikulya oyo va lya omusha ile oye i va lya ouvalelo.
“Otwa tuma ounona ve li vaheyali koshipangelo ongula ei ovo kwa li tava nyenyeta kutya ove na oshimela neenghono, ashike kakwa li tu shii kutya osheetifi oshike.
Eshi twa aluka vahetatu navo okwa li ve na omadidiliko a faafana ndee hatu va twala koshipangelo,” osho a ti ngaho.
Okwa ti ova mona kutya otashi dulika oikulya i na oudiyo konima eshi va pula ounona kutya oshikwashike naana shaashi ounona vahapu okwa li va didilikwa ve na omadidiliko a faafana. Momuhandjo omu na ounona ve li 439.
“Ve li 15 ovo ashike kwa li va twalwa koshipangelo, vamwe ova pula va shunwe kofikola tava ti ove li nawa.
Ovo vo ashike kwa li tava ulike omadidiliko va shaala koshipangelo, ndee natango inava dja ko,” osho a ti ngaho.
Marungu okwa weda po kutya ovadali ova shiivifilwa nounona vavali okwa li va twalwa komaumbo kovadali vavo opo va ka tye po xwepo.
Omukulunhu wehongo koshitopolwahoololo shaKavango Uninginino Christine Shilima okwa koleka oshiningwanima, ta ti kutya ombelewa yaye oya lombwelwa kombinga yoshiningwanima eshi.
Okwa ti ovanambelewa vokukonakona oundjolowele okwa li va ya kofikola va ka konakone notava ka yandja osho sha etifa oshinima eshi.
“Onda lombwelwa kutya ounona kave udite nawa novakonakoni voundjolowele okwa li va tumwa kofikola oko.
Inandi lombwelwa ngee ova tulwa meembete, ashike ovakonakoni voipambele youndjolowele ova ya ko,” osho a ti ngaho.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
