Ounona vavali voumati ova xulifa mangha vakwao vatatu va xupa konima va dengwa kedu kEpako koGobabis Omaandaxa.
Omupopiliko wopolifi wopashiwana omupedu komisina Kauna Shikwambi okwa ti oshiningwanima osha ningwa lwopotundi 13h40 koKanaan C, oko ounona kwa li tava daunauka pekololo lakula.
Oonakufya ovo Paulus Mukuya (7) naDennis Eiseb (10).
Shikwambi okwa ti omuendinandjila okwa uda ounona tava kuu tava pula evatelo ndee tava endelele va tale apa ve li.
Eshi va fika, okwa hanga ounona vatatu voumati va dama medu ndee te va nane mo.
Ounona ovo va xupa ove mu lombwela kutya oumati vavali natango ove li koshi yedu.
“Edu ola twikila nokuwa, osho she mu ningila shidjuu a dule okuxupifa ounona ovo vavali kwa li va shaala mo, ndee ta lombwele opolifi,” Shikwambi osho a ti ngaho.
Opolifi, ovanambelewa okudja koomuni waGobabis nokoministili youndjolowele nomayakulo opanghalafano okwa li va lotokela konhele oko kwa ningilwa oshiponga.
Ounona ova xulifa shaashi kakwa li tava dulu okufuda.
Shikwambi okwa ti, ounona vatatu ovo va xupa okwa li va twalwa koshipangelo shaGobabis va ka mone omayakulo opauhaku.
Omalutu oonakufya okwa li a twalwa kokila yoshipangelo shaGobabis a ka konakonwe novakwapata ova shiivifilwa. Omakonakono opolifi otaa twikile.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
