Presidente Netumbo Nandi-Ndaitwah okwe likanyuna omapopyo taa ti ofamili yaye vati oi li moshikondo shomahooli.
Enyamukulo lapresidente ola landula oshinyolwa sha li moThe Namibian Etivali shi li koshi yoshipalanyole ‘Presidente e li moshipyu molwohokwe yofamili moshikondo shomahooli’.
The Namibian okwa li a tumina omupopiliko wapresidente Jonas Mbambo omapulo Omaandaxa kombinga yomafeekelo aa, ashike ina nyamukula nande.
Omafeekelo aa okwe ya konima omutoolinghundana Jemima Beukes a pula presidente omapulo konima yepatululo loshoongalele shOkabinete, oo presidente aanya okunyamukula shaashi okwa li a yuka koshoongalele shOkabinete.
Omapulo aBeukes aa li kombinga yomalimbililo kutya ofamili yapresidente vati oi li po ya fa ya hala okuwilika oshikondo shomahooli.
“Kombinga yoshinyolwa shi li koshi yoshipalanyole ‘Presidente e li moshipyu molwohokwe yofamili moshikondo shomahooli’, sha shangwa ku Mr. Eliaser Ndeyanale naMr.
Martin Endjala nokunyanyakidwa moThe Namibian momafiku 03 Febuluali 2026, nosho yo omafeekelo a popiwa ku Ms. Jemima Beukes, ohandi popi noitandi fiye ko sha kutya ounona vange kave na ohokwe, yopayukililo ile pahenu, moshikondo shomahooli noshimoko,” presidente osho a ti ngaho.
Presidente ota pula kuyandjwe ombili moshiwana, ile kuyandjwe oumbangi wa yela tau popile omafeekelo aa.
Nandi-Ndaitwah okwa ti ngaashi keshe omukwashiwana waNamibia, ounona vaye ove na oufemba we lixwa po wokukufa ombinga meliko loshilongo.
“Ohava ningi ngaho va kufe ombinga keyambukepo lopashiwana, konghalonawa yovanhu vetu nosho yo omaxupilo avo vene opaveta,” osho a ti ngaho.
Okwa ti itapa ka kala nande epuko lasha okuwanifa po oufemba ou shama ashike tashi ningwa paveta.Natango, presidente wongudu yoIndependent Patriots for Change Panduleni Itula momukanda wa shangwa Etivali okwa ti oudemokoli ihau ende ashike tau teka po kashona nakashona, ta weda po kutya ohau teka po yoo ngee eenghono da pewa ashike omunhu umwe, omahangano a patelwa kondje nekalelepo loinima la tali ka ko la fa outondwe.
“Namibia okwa pumbwa elelo olo le lineekela eeminista dalo, la fimaneka opaliamente, la amena oikundaneki notali dimbulukwa kutya eenghono adishe otadi di mekotamhango nokovanhu. Osho kashi fi opolitika tai kondjifafana.
Osho okuwanifa po ekotamhango,” osho a weda po ngaho.
“Kashi fi omaponokelo opaumwene.
Kashi fi okudina ombelewa yapresidente shoo kashi fi okwaanyena keshe Omunamibia a kufe ombinga moinyangadalwa yopaliko.
Oshi na sha nekalelepo loinima, elongo lopauyelele, omikalo dopamufika nekwatelepo leenghono da yooloka dekotamhango. Omafeekelo naakale ngaashi omafeekelo,” osho a ti ngaho.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
