Ounona ve li lwopo100 okwa li kwa lopotwa kutya ova tumwa komaumbo okudja kofikola yedina Joy Mungungu Sinior Primary School i li molukanda ledina Tumweneni koRundu pefimbo lomalishangifo oshivike sha dja ko konima ovadali va dopa okuyandja ofuto yofikola.
Oshinima eshi osha eta ovadali va ninge ehololomadilaadilo Omaandaxa.
Maria Kayana okwa ti okaana kaye okwa li kamwe komwaavo va shunifwa komaumbo pefimbo lomalishangifo.
“Okaana kange okwa li ka shunifwa keumbo shaashi inandi futa oN$210, oyo ndihe na paife ngaha.
Onda pula ngee ohandi dulu okupewa fiyo opexulilo loshivike eshi opo ndi fute, ashike okwa li nda lombwelwa kutya shixwepo va tambule okaana oko ke na ovadali tava dulu okufuta,” osho a ti ngaho.
Omudali umwe, i na hala oukwatya waye wa hololwa, okwa ti ounona vaye vomido nhano okwa li va shunifwa keumbo molwetomeno la faafana.
Omukulunhu wehongo koshitopolwahoololo shaKavango Ushilo Christine Shilima Omaandaxa okwa ti elelonongelo lofikola ola tokola okwoongela oshimaliwa okupitila mofuto yofikola ku ningwe eengulu dofikola dopakafimbo opo ku yandwe onghalo yeengulu dofikola diha di sha pitilila.
Okwa koleka kutya ounona okwa li va shunifwa ko pefimbo lomalishangifo, ashike okwa ti okwa ya mo moshinima omu nounona okwa li va teelelika va alukile kofikola Etivali.
Shilima natango okwa popila etokolo lelelonongelo lokuweda po eengulu dopakafimbo meendelelo, ta ti onhele kai na eameno kounona ovo tava kala have ya keetundi domutenya, ta weda po kutya vahapu ohava ningilwa omahepeko kovafufi ngee tava shuna komaumbo.
-NAMPA
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
