Nande omwaalu wovanhu ovo va kwatwa kepulo loondjima otau i pombada ouministi woundjolowele nomayakulo opanghalafano natango inau koleka ngee Namibia okwa mona eevenda depulu loondjima sha landula eshi oshilongo sha koleka kutya omu na ovanhu vakwatwa koudu ou.
Ouministili natango owa koleka kutya ovanaudu va yooloka ve li 44 ova monika oudu ou.
Omupopiliko woministili youndjolowele Walters Kamaya, okwa ti ovanhu ava otava mono omayakulo opaunamiti neenghendabala dokumona kutya oudu ou owa dja peni.
Okwa pula oshiwana shi kale sha ngungila nokulikolelela mouyelele.
Eshi kwa li a dengelwa a tye ko sha ngee Namibia paife eshi hatu popi ngaha oku na eevenda depulu eli, omukulunhuwiliki Penda Ithindi ina nyamukula nande komapulo, omangha Kamaya a nyamukula kutya ota ka yandja ouyelele.
MuNovemba 2024, oThe Namibian okwa li ya lopota kutya oshilongo kashi na eevenda dompox, shaashi oda pumba nai mounyuni.
Pefimbo opo, omukulunhuwiki mukulu Ben Nangombe okwa tile omahangano ahapu oo haa longo omiti edi okwa li unene a tala koilongo oyo ya tofwa mo kehangano loundjolowele lopaunyuni kutya oi li moshiponga shinene.
“Katu na eevenda dompox moNamibia natango.
Nande omiti edi oda pumbiwa unene konima kwa li oudu ou kwa tokolwa kutya owa nyika oshiponga koundjolowele woshiwana mounyuni kehangano loundjolowele lopaunyuni, omahangano oo haa longo omiti edi okwa tala unene koilongo oyo ya tofwa mo kutya oi li moshiponga shakula,” Nangombe osho a ti ngaho.
Okwa li a weda po kutya epangelo otali longele kumwe nomahangano oiwana yahangana opo ku talike kutya omiti edi otadi monika ngahelipi.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
