Omuleli wongudu yoLandless People’s Movement Bernadus Swartbooi okwa indila kutya ngeno ponhele yokutula oshikondo shokuwilika oikwamahooli koshi yombelewa yapresidente nashi lundululilwe moshikondo shokukonakona ngee oinima aishe oi li ngaa kolutenda ile otai pula ngaa komesho nawa.
Swartbooi oshinima eshi okwe shi popya momutumba wopashiwana Etivali, pefimbo leenghundafana donotwaveta yomahooli, oyo tai pula okulundululila oshikondo shomahooli kombelewa yapresidente.
Swartbooi okwa ti oku udite ko etokolo lapresidente Netumbo Nandi-Ndaitwah sha landula osho sha kundukinda ehangano loNational Petroleum Corporation of Namibia (Namcor) noministili yoikwafaabulika, oikwamina noikwanghono molwoulingilingi, eenghono nomaupyakadi okunyeka omaliko.
“Otashi dulika shi na sha nokuhe na elineekelo moministili. Ashike oikondo ohai wilikwa koikondo. Eshi shiwa, ngaashi tu shi wete pamwe presidente okwa pumbwa okulundululila oshikondo eshi moshikondo shokutala nokukonakona nghee oinima tai ende newilikongudu lomahooli li li moministili olo tali kala tali konanakonwa koshikondo shomombelewa yapresidente,” osho a indila ngaho.
Oshinima shimwe osho a popya osheshi kutya omatokolo elongifo loshimaliwa ohaa ningwa ndee ngee eumbo lepangelo inali panda, presidente ita dulu okutalulula etokolo laye mwene ndee oshikumungu osho otashi dulu nee okuya komhangu, shaashi presidente okwa li a kwatelwa mo metokolo lotete ngaashi etungepo lelunduluko lonotwaveta tali ti.
“Noitya imwe oto mu pe eenghono ndee to di yandje komhangu. Ngeno minista okwa li ta kufa etokolo eli, omatokolo aye otaa dulu okulopotwa komuprima minista, ndee tai kupresidente ndee omulandu ou owa pitika omatalululo nomalunduluko puhe na okuya komhangu ndee tashi pitike oinima i ende nawa moshikondo osho shi na oshimaliwa neenghono,” Swartbooi osho a ti ngaho.
Okwa ti oupyakadi udjuu oo e na okutula ashike eenghono ponhele imwe, osho ta ti inashi fimaneka oudemokoli noveta yekotamhango.
Swartbooi okwa ti onotwaveta oi na opuko kombinga yekalelepo loinima, ndee ta ti oinima inai yela nawa ohai eta omalikwato pomutima. Eshi, okwa ti ohashi ningi oupyakdi wosystema, ngee omunhu ta wilike eliko loshimaliwa shi fike lwopeebiliyona di li N$40 komudo.
Osystema yoministili yeemina noikwanghono okwa li ya tungwa po konima yomido 30 ndee nande opu na ovanhu va puka, Swarbooi okwa ti okwa itavela kutya opu na ovanhu tava dulu nawanawa okuwilika oshikondo shomahooli.
“Onotwaveta yomahooli otai popi ashike kombinga yovanhu vavali ile vatatu, ovanhu vahapu ova patelwa kondje.
Itatu i yambidida, ashike otu udite ko kutya omolwashike presidente te shi ningile, ashike natu kundafaneni,” osho a ti ngaho.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
