Muni waTsumeb natango okwa tameka okuninga eenghendabala dokukelela omalikufilo omadu molukanda ledina Kuvukiland.
Oule womido, muni okwa kala nokumona omukundu ou.
Tau etwa komumbwe yomadu a wapalekwa nomumbwe ya mana mo yomaumbo.
Momukanda wouyelele woshiwana wa pitifwa Etivali, muni okwa ti okulikufila omadu okwa yuka lwokopate ya kula oyo ye ya moTsumeb okudja koGrootfontein nOtavi.
Melongelokumwe nopolifi, ova tameka oshikonga shokuxulifa po omalikufilo omadu.
“Edu eli la ponokelwa inali wapalekwa nokudiminwa li ninge olukanda.
Aveshe ovo va kwatelwa moshiningwanima eshi ova lombwelwa ve shi xulife po meendelelo ndee tava fiye po keshe edu olo ve likufila.
Shimwe vali, ovakalimo otava indilwa neenghono ve likaleke kokule nokukufa ombinga ile okuyambidida oiningwanima ei ihe li paveta nokulongifa omilandu dopambelewa damuni dokuninga omaindilo omadu.
Ngee ova twikile otava ka kufilwa onghatu ya mana mo yopaveta puhe na vali okulondwelwa,” muni ta ti.
