Omhangu yomahoololo oya talulula nokuwapaleka epuko loshipundi osho kwa li sha yandjwa po papuko kongudu yoIndependent Patriots for Change (IPC) melelodoolopa laRundu.
Omupedu panguli presidente Hannelie Prinsloo novapanguli vamwe Thomas Masuku naLotta Ambunda Omaandaxa ova kaleka oshipundi osho kwa li sha pewa oIPC papuko ndee tava pula kutya nashi shunifwe kehangano ledina Rundu Urban Community’s Association.
Omhangu oya yandja elombwelo eli konima okomisi yomahoololo yaNamibia kwa li ye i pula i talulule nokukaleka oshipundi osho sha pewa ongudu yoIPC papuko komunambelewa womahoololo melelodoolopa laRundu.
Omukunhulu womahoololo wokomisi yomahoololo yaNamibia, Petrus Shaama okwa lombwela omhangu momukandaano kutya Omawi e li 12 560 okwa li a valulwa momahoololo elelodoolopa laRundu momafiku 26 Novemba.
Swapo okwa mona e li 7 148, ndee ta pewa oipundi i li inhe moilyo i li iheyali yewiliko lodoolopa laRundu, Shaama osho a ti ngaho.
Omunambelewakulunhu womahoololo natango okwa li a yandja oshipundi shimwe kehangano ledina Rundu Concerned Citizens Association olo la mona omawi e li 1 337, oshipundi shimwe kongudu yoAffirmative Repositioning, oyo ya mona omawi e li 755 noshipundi shimwe kongudu yoIPC, oyo ya mona omawi e li 642.
Ashike nee, oshipundi osho kwa li sha pewa IPC okwa li shi na okupewa ehangano ledina Rundu Urban Community’s Association, olo kwa li li na omawi e li 674 li dulife oIPC, Shaama osho a ti ngaho momukandaano.
Epuko lomunambelewa akula womahoololo otali dulu okweeta omwaka wakula mewiliko lelelodoolopa laRundu, Shaama osho a ti ngaho.
“Eshi oshipundi inashi yandjwa mondjila otashi ti oshiwana osha nyekwa oufemba washo wokukala shi na ovakalelipo ovo sha hoolola ndee oshinima osho osha eta oululume wakula kuvo,” Shaama osho a ti ngaho.
Omhangu okwa li yoo vali ya lombwelwa kutya kapu na nande okwaanifilwa oilonga kwa ningilwa oilyo ipe Etitano oyo ya hoololwa melelodoolopa laRundu, shaashi omhangu kakwa li ya nyamukula eindilo lomeendelelo olo la ningwa kokomisi yomahoololo Etitatu loshivike sha dja ko.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
