Omuntu gumwe okwa mana oondjenda moshiponga shoshihauto shoka sha ningilwa mopate yoB2 pokati kaSwakopo naArandis ongula yEtiyali.
Omupopiliko gwopolisi yoshitopolwa shErongo, inspekta Ileni Shapumba okwa popi kutya omufaalelwa okwe ehamekelwa mo moshiningwanima shoka sha ningwa lwopotundi 09h15, omanga aafaalelwa yalwe oya zi mo nokapulu kelume.
Otaku hokololwa kutya oshihauto shoMahindra oshi idhenge mokambesa koToyota Quantum okuza konima pethimbo nosha hunuka ko kopate.
“Omolwombepo onene, okuwetike kutya omuhingi gwoshihauto shoMahindra okwa nyengwa oku shi kondolola naashoka oshe eta shi idhenge omutse nomutse nololi yoScania,” osho Shapumba a popi ngaaka.
Omuhingi gwoMahindra, okwa hololwa kutya oye Morne Gareth Openshaw (48), nokwa hulithile pehala lyoshiningwanima
Omufaalelwa ngoka a li moshihauto she okwe ehamekelwa mo ashike okuli monkalo yi li nawa. Aapambele yanakusa Openshaw oya tseyithilwa nale onkundana yoluhodhi.
Omuhingi gwoScania okwa li mo oye awike pethimbo lyoshiningwanima, omanga mokambesa koToyota Qauntum omwa li omuhingi naafaalelwa omugoyi, ayehe oya hupu, kapu na ngoka e ehamekelwa mo noonkondo.
Opolisi otayi ka tameka nomakonakono kombinga yoshipotha shedhipago lyaashi lyoshiningilawina.
“Aanambelewa yetu ngashingeyi otaya konakona oshiningwanima shoka she eta oshiponga shoka. Otatu indile oshigwana shi kale aluhe sha kotoka moopate, unene tuu ngele onkalo yombepo ya nika iipa yombwa,” osho Shapumba a popi ngaaka.
Ombepo onene ndjoka ya lopotwa komukulofuta uunambo oya dhigo oopate dhi li kohi yevi shoka she eta uupyakadhi kaaniihauto molwashoka mopate kaya li we yewete mo nawa.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
