Minista woikwafaabulika, oikwamina noikwanghono Modestus Amutse Etivali okwa yeleka kutya oministili yaye natango oyo tai wilike oshikondo shomahooli nande opu na omafaneko oku shi twala kombelewa yapresidente.
Enyamukulo laye ole ya konima omuleli wongudu yoAffirmative Repositioning Job Amupanda a pula kutya omolwashike eenghundafana kombinga yekwatelemo lovanhu vomoshilongo tadi twikile mangha oveta inai lundululwa natango, sha landula eemhata odo di li metifa momutumba wopashiwana kombinga yokulundulula onotwaveta naau ta wilike oshikondo shomahooli.
“Moministili, omu na oshikondo osho hashi wilike oikwamooholi, ndee omuyandjimayele wange akula oku na ombelewa ya shaama noyange noha kufa ombinga meenghundafana omo,” `Amutse osho a ti ngaho.
“Omapulaapulo ohaa ningwa noshikondo shokuwilika omahooli, onghee nee, minista oha ningi omatokolo she likolelela komapopilo.”
Okwa ti kutya ngee eindilo lomukanda womahooli ola ongelwa, ohali i komunambelewa akula woshikondo shomahooli, osho hashi wilike omahooli, ndee pamwe newiliko, tava lombwele minista ngee okwa pumbwa okukatuka onghatu ile a tye ko sha koshikumungu osho.
“Osho hatu ungaunga nasho ngaha fiyo efimbo olo oveta ya lundululwa.
Ashike ngee pwe ya omumbwe, okutala koinyangadalwa i na sha newiliko mangha minista i na ninga etokolo.
Ondi wete kutya olo efeekelo,” Amutse osho a fatulula ngaho. Amupanda okwa pula ngee omatokolo kombinga yomahooli ohaa ningwa koshikondo shokuwilika ile okuminista.
Okwa ti kutya ngee omatokolo ohaa ningwa koshikondo shokuwilika omahooli, nena osha nyika oshiponga shaashi oveta inai lundululwa.
Kombinga yekwatelemo lovanhu vomoshilongo, Amutse okwa ti oshikumungu shomulandu kashi na sha noikumungu yewiliko, ashike oshi na unene nokufukula oikwamina.
Ashike nee nande ongaho, osha topolelwa oshikondo, shaashi otashi ungaunga nomauwa eedjo dopaushitwe nokukwatela mo omauwa oipambuliko nekufombinga lovanhu vomoshilongo – moshikondo omo e na eenghono ongominista.
Okwa kwashilipaleka kutya ota twikile okuwilika oshikondo shomahooli fiyo oveta ya lundululwa.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
