Oshikondo shoikwanghono shaAfrica itashi kulu ngee kashi na ekufombinga lovanyasha, omukulunhuwiliki wehangano loAfrican Energy Chamber, NJ Ayuk, ta ti.
Eshi kwa li ta popi koshoongalele shoikwanghono shaNamibia oshihetatu Etitatu, Ayuk okwa yeleka omumbwe yokulongekida ovanyasha va kufe ombinga moshikondo monakwiiwa.
“Oshikondo shetu kashi na apa tashi i puhe na ovanyasha. Itatu dulu okulombwela eendenge detu di kale konima nena ndee hatu kala twa teelela di kale de lilongekida mongula,” Ayuk ta ti.
Oshoongalele shomafiku anhe, okwa li shi li koshi yoshipalanyole ‘The Road to First Oil and Beyond: Partnership. Investment.
Growth’, osha tamekele momafiku 13 tashi xulu onghela.
Okwa li sha nana ovanambelewa okudja mepangelo, moshikondo nomounyuni aushe ve dulife po1 000.
Ayuk okwa ti oshikondo shomahooli noshimoko shaNamibia itashi yambula po ashike eliko ashike otashi dulu yoo okutota eemhito da fimana dovanyasha.
“Ovanyasha vetu otava pula sha kufye. Ova hala twa longifa oikwanghono oyo twa mona tu tunge oilando i li xwepo nokutota eemhito donakwiiwa,” osho a ti ngaho.
She likolelela kuAyuk, ovanyasha nava kwatelwe mo moshikondo okupitila moilonga, omadeulo nomoku va yela, ponhele yoku va fiya komutunda.
“Otashi tameke noku va kuta.
Otashi tameke noku va yela. Otashi tameke nokukala tu na ohokwe yoku va pa eemhito, kashi shi mongula ile modula tai ya, ashike onena,” osho a ti ngaho.
Natango, omupedu presidente akula waAfrica koTotalEnergies, Mike Sangaster, okwa ti oshikondo shomahooli noshimoko tashi kulu shaNamibia otashi dulu okutota oilonga neemhito domayambulepo daalushe.
Okwa ti eepoloyeka dihapu ngaashi yoVenus otadi dulu okudana onghandangala ya fimana mokuyambula po eewino noikondo moshilongo.
“Etokolo laxuuninwa laVenus otali vatele Namibia neenghono.
Otali ka tota oilonga, oiyemo, eewino nokunghonopeka oshikondo,” Sangaster ta ti.
Okwa weda po kutya opoloyeka otai dulu okutota oilonga i fike po5 000 manga tai yambidida yoo eepolohalama domadeulo tadi lalakanene okuyandja eewino moshikondo.
“Ohatu pula nale komesho neepolohalama dimwe ngaashi Venus Academy, oyo tai ka tala kokuyambula po eewino nomadeulo oshiwana shokomongula moshikondo shoikwanghono,” osho a ti ngaho.
Ovapopi koshoongalele ova yeleka kutya opo oshikondo shaNamibia shoikwanghono shi ye komesho, ovanyasha nava pewe eewino neemhito da pumbiwa va kufe ombinga moshikondo.
– NAMPA
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
