Presidente Netumbo Nandi-Ndaitwah okwa pula kuningwe eenghundafana da manguluka moshikondo sheeshi shaashi omahangano otaa londwela kutya oshikondo oshi li moupyakadi wakula.
Ovanailonga kave shii oilonga yavo kutya otai i fiyo onaini, eenghalo doilonga itadi nuwa omeva nomauwa a ngabekwa.
Oshinima eshi presidente okwe shi popya pefimbo lepatululo leenghundafana domafiku atatu nomahangano okukwata eeshi kOmbaye Etitatu.
“Otwe ya okupwilikina, oku uda ko nokutala kutya ohatu ningei po shike okudja apa moshikondo eshi sha fimana,” osho a ti ngaho.
Okwa ti oshikondo osha kala nokulunduluka oule wefimbo.
“Otu wete kutya oshikondo kashi li ngaashi sha kala. Omalunduluko oo a ningwa mo amwe aa kuma oilonga, omaxupilo nonghalo yakeshe efiku yOvanamibia,” osho a ti ngaho.
Okwa ti oshikondo eshi natango osha fimana keliko loshilongo, ashike okwa holola omalimbililo kombinga yeyokomesho laalushe noinima oyo tai linyenge moshikondo.
Nandi-Ndaitwah okwa ti epangelo otali ka longifa eenghundafana opo li dule okunyamukula komikundu edi.
“Otu na okuuya, tu pwilikine nawa ovo ve na owino yonghalo ei yakeshe efiku moshikondo,” osho a ti ngaho.
Presidente okwa ti oshilongo natango oshe litula mo mokutunga “oshikondo sheeshi sha kola” tashi pula komesho nawa nosha kwatela mo ovanhu aveshe”
Pefimbo loshoongalele osho tuu eshi, hamushangandjai wehangano ledina Namibia National Labour Organisation (Nanlo) Joseph Garoeb, okwa ti oshikondo shokukwata eeshi osha taalela omikundu dakula odo tadi hepeke ovanailonga.
“Omikundu odo di li moshikondo sheeshi shaNamibia otadi twikile nokuhepeka ovanailonga.
Nande osha fimana keliko loshilongo,” osho a ti ngaho.
Garoeb okwa ti ovanailonga natango ove li konima moshikondo omu.
“Oshikondo sheeshi ohashi kufa ombinga meliko loshilongo neenghono, ashike ovo hava longo musho natango ovo eehepele da shiya ko,” osho a ti ngaho.
Okwa ti onghalo ei otai holola edopo lakula lewiliko nekalelepo loinima.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
