OVO tava tamanekelwa oulingilingi wokoNamcor ve li vahetatu otava ka lila omudo mupe konima yekumba, konima oshikumungu shavo sha undulilwa kuMarsa momhangu yamangestrata mOvenduka Etitatu.
Mangestrata Esme Molefe okwa undulila oshipofa komafiku e li 19 Marsa, aanya ehalo lovakalelipo vavo olo li li ominge neindilo lepangelo loshipofa shi undulilwe komesho olo kwa li la ninga Etitano la dja ko.
Epangelo okwa li la pula oshikumungu eshi shi undulilwe komesho opo li ninge omakonakono a wedwa po.
Omutamaneki wepangelo Basson Lilungwe okwa lombwela omhangu kutya omakonakono moshikumungu omu natango oku li metifa, Molefe osho a popya ngaho metokolo laye lokuundulila oshinima eshi komesho.
Omhangu natango okwa li vali ya lombwelwa kutya oshipofa eshi tashi konakonwa oshakula, omikanda domavalulilo eembanga dovatamanekwa oda pumbwa okwoongelwa kovakonakoni nomakonakono noho okwa kwatela mo yoo eeministili da yooloka.
Molefe okwa popya kutya ovafeekelwa moshikumungu omu okwa li va mangwa po muJuli.
Eindilo lobooloha lovatamanekwa vaheyali okwa li la ningwa konima yomafiku ashona eshi va mangwa po ndee vahamano okwa li ve i anyenwa momafiku 26 Septemba.
Ovatamanekwa vahamano ovo va anyenwa obooloha ovo omukulunhuwiliki woNamcor mukulu Imms Mulunga, ovanangeshefa vamweinafana Peter naMalaki Elindi, ovanailonga vakulu vaNamcor Jennifer Hamukwaya naOlivia Dunaiski naLeo Nandago.
Lydia Elindi, oo a hombolwa kuMalakia Elindi naConnie van Wyk, omukulunhuwiliki mukulu wehangano lomahooli ledina Enercon Namibia, ova pewa obooloha yoshimaliwa shi fike poN$50 000 keshe umwe.
Molefe natango okwa ti kutya eindilo lobooloha etivali, omo omuwiliki mukulu woNamcor Cedric Willemse kwa li a ninga eindilo a pewe obooloha okwa li la tameka momhangu yamangestrata yaVenduka muSeptemba.
Oihokolola yobooloha yaWillemse okwa li ya xula momafiku 28 Oktoba, eshi kwa li a pewa obooloha yoshimaliwa shi fike poN$200 000.
Eindilo lobooloha onhinhatu, omo omushamane waHamukwaya, Panduleni Hamukwaya, ta kendabala okupewa obooloha, ola tameka momhangu yamangestrata moKatutura, nokwa teelelika i twikila muJanuali.
Umwe womovafeekelwa Austin Elindi, ina ninga nande eindilo lobooloha.
Eshi a undulila oshipofa komafiku 19 Marsa Molefe okwa wedela obooloha yaWillemse, Van Wyk naLydia Elindi ndee ta yandje elombwelo kutya ovafeekelwa vakwao nava kale modolongo.
Okwa ti kutya eundulilo komesho eli olo laxuuninwa opo omakonakono a ningwe.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
