Ovapopili vomalaka ova indila ovaleli vomoshilongo va fimaneke okupopya novanhu momalaka avo omoshilongo.
Ova londwela kutya omayambukepo e na oshilonga neenghundafana diwa noshiwana otadi dulu ashike oku udika ko nawa momalaka oo shi udite.
Omapopyo aa okwa li a ningwa pefimbo kwa li ta kudimbulukiwa efiku lomalaka omadalelwa mo paunyuni mOvenduka Etitano.
Eshi kwa li ta popi poshivilo, omupopili woufemba wovanhu Uhuru Dempers okwa londwela kutya ovaleli ngee otava kundafana noshiwana mOshiingilisha otashi dulika vaha kwatele mo oshiwana meenghundafana dopashiwana.
“Omu na engwangwano lishona momalaka etu omadalelwa mo.
Otwa pumbwa olutu lomalaka olo tali tokola omalalakano, olo tali ka tala koitya ipe oyo tai linyenge melaka,” osho a ti ngaho.
Okwa pula oshiwana shi tote po oungudu vokupopila omalaka opo va xwaxwameke nokukwatela po omalaka avo omoshilongo.
Omunandjungu mokukwatela po omalaka Martin Matsuib okwa ti eefamili dihapu luhapu ohadi tekula ounona vado nOshiingilisha ongelaka lomeumbo, osho tashi kanififa omufyuululwakalo.
Eshi, okwa ti, ohashi etele ounona omikundu eshi tava kulu vehe fi okupopya omalaka avo omadalelwa mo.
“Ngee kapu na eshi sha ningwa po, Namibia okwa taalela ekanifo lakula lomaxwata omalaka nomifyuululwakalo eshi ounyuni tau ende nokuninga umwe,” Matsuib osho a ti ngaho.
Okwa ti kutya omalaka okondje oo taa pangele ngaashi Oshiingilisha, Oshishipeina noMandarin oyo hai popiwa koChina otaa twikile nokukoyelela omalaka omoilongo oyo opo tai putuka ngaashi Namibia.
“Ngee kapu na oveta ya kwata moiti, omalaka okondje yoilongo otaa ka “dipaya” omalaka etu, osho tashi ka dipaya po filufilu omalaka amwe,” osho a ti ngaho.
Nande opu na omalimbililo, omuwiliki woKhoekhoegowab Task Force Aletta Eises-Thanises okwa ti ovalihongi ve li lwopo130 ove li tave lihongo elaka eli, osho tashi ulike ohokwe mokati kovanyasha mokwaalula omufyuululwakalo womalaka avo.
Omupedu presidente Lucia Witbooi okwa ti oshilongo osha fimaneka efimano lomalaka aeshe opashiwana, shi na nokuli omalaka e li 20 omoshilongo, haa popiwa moshilongo ashishe.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
