Omunashipundi wEumbo Etivali lopashiwana noku li yoo oshilyo shopaliamente Lukas Sinimbo Muha, okwa indila oilyo yEumbo Etivali lopashiwana i tale nawa onotwaveta yomutengenekwafaneko yomudo 2026/27 opo i kwashilipaleke kutya eliko loshiwana ola longifwa okuxwepopeka eenghalamwenyo dovakwashiwana.
Eshi ta patulula omutumba wotete wEumbo Etivali lopashiwana mOvenduka onghela, Muha okwa ti onotwaveta oya fimana unene mokuyandja oshimaliwa keepolohalama domayambukepo opashiwana.
Nokwa pula opo i kale tai tu kumwe nomukandafaneko womayambukepo opashiwana omutihamano.
“Oshinakuwanifa shetu tu kwashilipaleke kutya omaliko aa yandjwa pauyelele nokwa yukifwa koinima ya fimana moshiwana ngaashi naana omukandafaneko womayambulepo opashiwana omutihamano nomilandu dikwao tadi ti,” osho a ti ngaho.
Omutumba, tau kwata omafiku e li o-11, otau ka tala komulandu wonotwaveta, oo wa yeleka nawa nghee epangelo tali ka longifa oshimaliwa momudo woshimaliwa 2026/27.
Muha okwa popya kutya eekomitiye adishe dEumbo Etivali lopashiwana paife otadi longo, da tota ewiliko nokuduta omafaneko omudo woshimaliwa tau ya.
Okwa weda po kutya ovapedu minista ovo ve li meumbo omu, ova teelelika va ka xwepopeke omapula e na sha nomulandu noikumungu yopaveta.
Kakele komutengenekwafaneko, okwa pula eekomitiye dopaliamente di kale nokuwilika nawa oinima, ta ti kutya oilonga yado nai ete oidjemo yoshiwana i liwetikile.
Okwa londwela kutya eelopota dokuwilika oinima kadi na vali eshi tadi eta po shaashi kapu na etulomoilonga, ta weda po kutya omapopilo oo e li meelopota dokuwilika inaa kala ashike omishangwa dongaho.
“Ohandi pula opo omawiliko aa a longe nawa nokukala opamufika, e na oidjemo i liwetikile kovanhu moNamibia.
Ewiliko nali ete omayakula e li xwepo noidjemo yomayambukepo i liwetikile,” osho a ti ngaho.
Omunashipundi okwa indila oilyo i kale nokuliumbata nawa nonefimaneko pefimbo leemhata.
Ta yeleke efimano leenghundafana dopamufika pefimbo eumbo tali wanifa po oinakuwanifa yalo yopaveta.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
