Ongudu yoAll People’s Party (APP) oya pula epangelo li kaleke mangha ewedelo lolusheno, tai popi kombinga yomaxupilo aNamibia ndee edopo lokuwilika oinima yoludi eli otai twike ashike ovanhu ovo tava mono oixuna nale omukundu da wedwa po.
Hamushangandjai wongudu yoAPP Venitius Goraseb okwa ti ongudu oya udifwa nai neenghono keshiivifo lomafiku aa lolusheno tali wedelwa mOvenduka.
Okwa ti omawedelo aa otee ya pefimbo Ovanamibia tava mono nale oixuna konghalo yomaxupilo, ondodo yokuhena oilonga i li pombada, eendado doikulya tadi londo neendjabi itadi wedelwa.
Goraseb oshinima eshi okwe shi popya momukanda woikundaneki wa pitifwa Omaandaxa. “Etokolo lokutwika ovalongifi volusheno omukundu wondadao yolushelo i li pombada otali eta omapulo a mana mo kombinga ymumbwe nelongo nawa lewiliko lepangelo laNamibia, unene ngaa ehangano lokuwilika olusheno, omahango okwaandjakaneka olusheno nomalelo eedoolopa.
Oilonga yehangano lokuwilika lolusheno yoo vene, ngaashi sha tongwa koveta, oya yela: okuwilika oshikondo shokwaandjakaneka olusheno pamukalo oo tau kwashilipaleke kutya olusheno oli na ombilixa, otali dulu okulineekelo nouyuki mangha yoo taku amenwa ouwa wovalongifa valo,” osho a ti ngaho.
Garaseb okwa ti ondado yolusheno oya kala nokulonda omido dihapu pakuwedelwa ‘kovapokati”.
Okudja koishoshela yehangano lokuwilika olusheno okuya komahangano oku li andjakaneka paitopolwahoololo okuya koomuni, ovalandi ohava mono ashikee eepelesenda dihe fike nopo40 doshimaliwa osho va yandja.
Oimaliwa ihapu yousheno ohai tulwa movawiliki woilonga, meendjabi dihapu unene dovakulunhuwiliki nomomauwa ovanambelewa, omangha ovalandi, Ovanamibia vongaho, tava fiwa tava mono oixuna momilema ile tava yembe oipumbiwa imwe opo va dule okutema,” osho a ti ngaho.
Goraseb okwa ti ongudu yoAPP oya itavela kutya omahangano aa taawiliki olusheno otaa dopa oshilonga shao shakula shokwaamena ovalandi.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
