Ovanhu ve li vanhe ova kanifa eemwenyo davo omutenya wEtitano konima oihauto i li itatu ye lidenga mumwe mondjila yoB1 pondjele yOtjiwarongo moshitopolwahoololo shaTjozondjupa.
Omukulunhu woipambele yoshiwana wopolifi yaNamibia Maureen Mbeha, momukanda wokoifokundaneki Olomakaya okwa ti oshiponga osha ningilwa eekilomita di li lwopo33 koumbuwanhu wOtjiwarongo okuuka kOkahandja.
Osha ningwa lwopotundi 13h00 eshi okahauto kashona vati ka ya kobaana ihe shii yako eshi kaya omufenu shaashi opate okwa li ya tuta molwodula ndee take lidenge mobaki oyo okwa li tai di komesho.
Oshinima eshi osha eta ohauto yoCorolla oyo kwa li tai di monima yobaki nayo i lidenge mumwe nai nokauto kashona.
“Ovakainhu vatatu vomido 21, 57 no80 okudja moCorolla ova xulifa.
Omukainhu womido 60 okudja mokatuwa kashona naye okwa fya moshiponga omu,” Mbeha osho a ti ngaho.
Onaakufya ovo Jana Grove (21), omukwashiwana waNamibia, Christina Prinsloo (57) wokoSouth Africa naChrise Steyn (80) Omunamibia.
Ovakwapata vavo ova shiivifilwa nale Etitano, omunambelewa wopolifi osho a ti ngaho.
Omukainhu womido 60 okudja mokatuwa kashona kakwa li natango a dimbulukiwa.
Ovanhu ve li 13 aveshe kumwe okwa li va kwatelwa moshiponga omu mwa kwatelwa ovashingi, Mbeha osho a ti ngaho, ta weda po ktya ve li omuwoi ova ninga oipulumuna nokwa li va twalwa tete koshipangelo kOtjiwarongo,
oko vamwe va ka tuminwa kOvenduka konima.
Omakonakono opolifi moshikumungu eshi otaa twikile. – NAMPA
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
