Oministili yomidingonoko oya dipaya ondjaba oyo ya ponokela omuhongifikola koChefuzwe pondje yaKatima Mulilo Etivali.
Florence Mutete (58) nomutekulu waye vati okwa li ve li mondjila yavo va yuka oko hava kwatele olefa lwopotundi 06h30 eshi va shakeneka ondjaba.
Vati ova tameka okufaduka po, ashike ondjaba oye va landula.
Mutete vati okwa undulila omutekulu moshivale ndee ta kendabala yoo naye a hondame.
Mupya munene, ondjaba oya hangika nale ye mu lyata. Mutete okwa mona oupulumuna monho nokwa li a ka mona omayakulo opaunamiti koshipangelo shaKatima Mulilo.
Omunambelewa akula woipambele yeameno moministili yomidingonoko nomatalelepo, Calvin Matomola okwa ti eshi ovanambelewa va fika apa pa ningilwa oshiningwanima, ova kendabala va taatayeleshi ondjaba i ye kokule novanhu.
Ashike nee, ondjaba yolupangi yondume oya twikila nokutaataya ovanambelewa novakwashiwana ovo va li po.
“Onghee nee, kapwa li vali pu na osho tava dulu okuninga, ove i dipaya ashike va xupife eemwenyo dovakalimo.
“Okwa li ya hangika mondjila yovakalimo yakeshe efiku.
Otwa kufa ko omayoo ndee ombelela tai tukulilwa ovakwashiwana.
“Ohatu ka yambidida yoo nakuningwa oshihakanwa,” osho a ti ngaho.
Matomola okwa ti ovakalimo nava kale va tonata shaashi oifitukuti otai ningi ihapu molwodula ihapu oyo ya fitika eendjila dayo.
“Onghee nee, kaleni mwa teelela okukala nokumona oifitukuti ihapu pefimbo eli,” osho a ti ngaho.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
