Oshitopolwahoololo shaShana okwa li sha didilika omwaalu ushona wovanyasha komahoololo onghela, novanyasha vahapu ova dopa okuwanifa po oufemba wavo woudemokoli.
Omunambelewa wokomisi yomahoololo yaNamibia oo kwa li e lile po omahongo ovahoololi moshitopolwahoololo shaShana Christine Aushona kwa ti, oshinima eshi otashi limbililike kombinga yongushu yomilandu doudemokoli nokuninga omatokolo puhe na ouyelele wa wana.
Maria Abrahams, omukwateli komesho womahoololo keeshela dopolifi kOngwediva, okwa ti omwaalu ushona wovahoololi owa etwa konima ya yooloka, mwa kwatelwa omahongo ovahoololi inaa wana, eenghundafana noshiwana inadi wana nomikundu dopamaxupilo pokati keedoolopa noitopolwa yokomikunda.
“Paife ngaha, ovanhu ovashona neenghono ndee ondi wete kutya ovanhu otava ka tameka ashike okuuya omutenya,” osho a ti ngaho.
Ovanyasha vokomikunda ova lombwela oThe Namibian kutya ova taalela omikundu ngaashi omauyelele inaa wana, omahongo oshiwana inaa wana nosho yo eemhito dishona domaxupilo, oinima oyo tai dulu oku va imba va kufe ombinga momahoololo.
Maria Tuyeni (22) okwa ti ke na omukumo momahoololo shaashi ke wete nande elunduluko lasha movaleli ava tave ya.
“Ondi shi shii kutya osha fimana okuhoolola ashike elalakano lokuhoolola ola shike ngee ovanhu ashike vashona tave lishuna moilonga keshe efimbo? Ohatu mono eyambukepo noudjuu koitopolwa yetu ndee kapu na eemhito doilonga noho.
Ovanhu otava pe ashike eefamili davo oilonga, onghee nee kapu na lela etomeno lokuhoolola,” osho a ti ngaho.
Okomisi yomahoololo okwa li ya yeleka efimano lomahongo ovahoololi nokwa li ya tuma ovanambelewa va ka yandje omahongo opo i kwashilipaleke kutya omilandu domahoololo oda enda nawa.
Ashike nee, Simioni Angula okwa ti shihapu osha pumbwa okuningwa kuungaungwe noyeetifi yomivalu dishona dovanyasha tava hoolola ndee ta pula ovanyasha va kufe ombinga mokutunga onakwiiwa.
“Ovanyasha inava tuwa omukumo va hoolole. Ove li ashike momaumbo avo va kofa shaashi ove udite kutya koitaashi yokuhoololela kaku na sha shavo.
Vamwe ove udite kutya ovakulupe nava hoolole ponhele yavo.
Ondi udite kutya omahongo ovahoololi okwa pumbwa okunghonopekwa ndee pamwe taa dulu okutwa ovanyasha omukumo.
Otashi udifa nai shaashi otu na ashike ovakulunhu ovo tava hoolola apa,” osho a ti ngaho.
Okwa indila okomisi yomahoololo i nghonopeke ovanyasha vaNamibia nouyelele kombinga yomaufemba avo nomilandu dokuhoolola.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
