Omulumenhu womuGerman ota pewa oushima wokuningila ounona voukadona vOvahimba omahepeko opaixulo oo kwa li vati ha udifa kOpuwo, okwa li a holoka momhangu yopombada yaShakati Omaandaxa.
Omulumenhu, oo a ti kutya omutumwa omuDutch wokoUganda, okwa li e ya moNamibia muJuni momudo 2021.
Pefimbo loumbangihokololo, omufitaongalo a dja kongerka yokOpuwo, oo oukwatya waye itau popiwa opo kwamenwe oonakuningwa oihakanwa, okwa ti omufeekelwa okwa ti omutumwa a hala okuninga eumbo lounounona voukadona vOvahimba ndee te va pe ehongo.
Omulumenhu ou okwa kala mekwatafano nomufitaongalo okudja muApili 2021, omanga kwa li natango e li moUganda ta popi kombinga yomafaneko aye.
“Otwa shakena Oshoonda oshikando shotete, 05 Juni 2021, konhele yeenduda dokunangala mOpuwo.
Oshoondaxa sha shikula ko, okwa li a yandja ondjovo yomwene mongerka,” Omufitaongalo osho a ti ngaho.
Omufeekelwa natango okwa popya kutya okwa li e na ondunge yokuninga eumbo loukadona pefimbo lomayakulo ongerka, omufitaongalo osho a ti ngaho.
Konima eshi a fika, omufeekelwa, pamwe napasitoli, okwa li va talela po omikunda dihapu doukadona vOuhimba neefikola opo va mone kutya ounona ve lipipo itava i kofikola.
Omufitaongalo okwa ti yee pamwe nomufeekelwa okwa li va talela po omikunda ngaashi Okuua, Orue nOhaywua.
“Okwa li a danauka nounona. Okwa li yoo va tala oufilima. Ounona vamwe okwa li va hoololwa mo va twalwe kEtosha National Park,” Omufitaongalo osho a ti ngaho.
Okwa ti oshinima eshi okwa li shaanywa kovadali vavo.
Omufitaongalo okwa yandja oumbangi kutya omufeekelwa okwa li a pula kondadalunde opo a twalwe komikunda oko ku na ounona ihava i kofikola.
Pefimbo lomatalelepo aa omulumenhu ou okwa li a lombwela oshiwana kutya oye lyelye naasho a hala okuningila oshiwana, nokwa li yoo nokuli a ninga eetundi mbiibeli kofikola imwe, oyo kwa li va talela po.
Omufitaongalo natango okwa popya nghee omufeekelwa kwa li a kuta oukadona vavali.
Okwa ti okakadona kamwe kOkazemba okwa li ashike ka hangika taka danauka oko akeke molukanda li li popepi nOpuwo.
Vati ova popya nokaana ndee tave ka pula ke va twale keumbo kovadali.
“Otwa popya nameme wako natate wako konima yefimbo. Okwe va lombwela kutya okwa hala okutuma oukadona kofikola kOpuwo nokeefikola dopaumwene.
“Omulumenhu okwa pula meme wokaana ngee okaana oke na oikutu yopamufyuululwakalo.
Omafiku ashona a pita po, otwa ya twa ka tala okaana notwa hanga ka dikwa nawa momudjalo wopamufyuululwakalo wOvazemba,” Omufitaongalo osho a ti ngaho.
Omufitaongalo okwa hokolola nghee kwa li ha talele po eumbo lomufeekelwa keshe efiku opo a lombwele oukadona osho ve na okuninga ngaashi okulikosha nokuyala eembete davo. Omufitaongalo okwa yandja vali oumbangi hokololo kutya omufeekelwa okwa li he liumba onga xee younona.
Nevatelo lomufitaongalo umwe, Titus Kapunda, oo kwa li ha toloka, omufeekelwa okwa kuta okaana kokakadona okativali opo ka kale haka di naye.
Okwa ti Olomakaya limwe manga kwa li ve li koshivilo shongerka koRuacana, omufeekelwa okwa li a hangika komunambelewa wopolifi oo e mu pula ngee okunangala monduda imwe nounona voukadona oshi li ngaa nawa pamufyuululwakalo.
“Okwa ti okwa fa ashike xee nokwa li a hala va kale ve wete va fa ve li natate wavo meumbo lounona,” Omufitaongalo osho a ti ngaho.
Momudo 2022 Confidente okwa li a lopota kutya omufeekelwa okwa mangwa po momudo omo konima eshi kwa li a monika mo kounona ve li 19 veedula okudja punanho fiyo opo11 kutya omuhepeki ta longele moshitopolwahoololo shaKunene.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
