Ovandjadjukununi ova ti omutengenekwafaneko upe itau pitike eliko li ye komesho shaashi owa tala unene koilonga manga eeproyeka domayambulepo da pewa ashike oshimaliwa shishona.
Minista woimaliwa Ericah Shafudah Etine okwa yandja omutengenekwafaneko weebiliyona di li N$104 womudo woshimaliwa 2026/7. She likolelela kuShafudah, epangelo ole shi pondolola okwoongela oiyemo yeebiliyona N$89.8 noshimaliwa shi li lwopeebiliyona di li N$15 okwa teelelwa shi ka ehelwe opo oimaliwa i wanene. Oimaliwa ihapu yomutengenekwafaneko otai ka ya koilonga, oyo i na omutengenekwafaneko weebiliyona di li N$81.3. Omutengenekwafaneko womayambulepo owa mona ashike eebiliyona di li N$6.5.
Oifuta yoishoshela oya teelelika i ka kale peebiliyona di li N$16.2.
“Omutengenekwafaneko ou otau kendabala okutala nawa komahalo nokwaasho tashi dulika, nosho yo pokati keemumbwe donena nodomongula. Omahoololo mokati ketu aadjuu, ashike okwa fimana,” Shafudah osho a ti ngaho. Minista mukulu woshimaliwa Calle Schlettwein okwa ti omutengenekwafaneko owa tala unene koilonga ashike inau tala nawa komayambulepo. “Ondi wete kutya eebiliyona hamano deeproyeka odishona unene nokuyambula po eliko. Omutengenekwafaneko woilonga owa pula unene shihapu ndee omutengenekwafaneko weeproyeka oo wa tetwa kuyambulwepo ukwao,” osho a lombwela oThe Namibian ngaho.
Okwa ti omutengenekwafaneko wetanga leameno nehongo oda pewa unene oimaliwa ihapu, ndee oimaliwa oyo ya dja koikondo ikwao okwa li tai dulu okulongifwa moikondo ngaashi shounamapya, okunduluka neyandjo lomayakulo. Momutengenekwafaneko ou, ehongo lopombada loshali ola mona eebiliyona di li N$2.8.
“Ito dulu okuyambula po eliko ngee oinima ya fimana inai talwa, mwa kwatelwa eyandjo lolusheno, omeva nointerneta,” osho a ti ngaho.
Ashike okwa weda po kutya kakwa li nande a kumwifwa komutengenekwafaneko pakutala konghalo yeliko laNamibia.
“Otwa yuka kombinga ya puka, ashike ohatu shi ningi keshe efimbo,” osho a ti ngaho. Omunawino moinima ya pamba omaxupilo Omu Kakujah-Matundu okwa ti omutengenekwafaneko osho hau kala alushe ngaha.
“Omutengenekwafaneko wa tala kombinga imwe itau e ta po sha kombinga yetoto loilonga okupitila mokutunga oinima ya fimana ngaashi okuwapaleka olutenda noikunino,” osho a ti ngaho.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
