Omulumenhu a tulwa oshiti shanafiyo shoshingulu

Omulumenhu weedula (62) otaku tiwa ota ende ta kala nawa nota ka fiya po oshipangelo diva konima eshi kwa li a tulwa oshiti shanafiyo shoshingulu osho kwa li sha longwa mo nawa opo shi dule okulonga molutu laye.

Ondokotola yokoAmerika oya ti, Rick Slayman, ependafule lashili eshi a kendabala okuninga etando la tya ngaha.

Elineekelo la kola nolaalushe okukala taku kendabalwa okulongifa oilyo yoinamwenyo opo kuxupifwe eemwenyo dovanhu.

Oiti yanafiyo yoingulu oya kala nale nokuningilwa omalolelo movanhu opo ku talike ngee otai dulu okulonga momalutu avo.

Etando olo la kwata eevili nhee, la ningwa momafiku 16 Marsa okwa li oshinima sha kula lela kokuyandja oitopolwa yolutu yoludi olo kovanhu, oyo i li ya pumba,” Oshipangelo shedina Massachusetts General Hospital osho sha ti ngaho.

Slayman okwa li nale a tulwa oshiti shanafiyo moshipangelo omo tuu omo momudo 2018 konima eshi a kala keshina lokupanga oiti yanafiyo oule weedula heyali shaashi oiti yanafiyo yaye kakwa li tai longo nawa.

Konima yeedula nanho, oshiti shanafiyo osho kwa li a tulwa osha tameka okukala itashi longo nawa ndee ta shuna vali keshina muMei odula ya dja ko.Kakwa li e li monghalo iwa, ndokotola waye osho a ti ngaho.

Okwa li shi djuu nai opo eshina li mu vatele shaashi ohonde yaye oya hangi ye liika nale, shaashi okwe li longifa oikando ihapu neenghono.

Okwa li a shakeneka omaudjuu pefimbo eli, nokwa li she mu pula opo a kale ta talele po oshipangelo konima yoivike ivali, osho kwa li tashi mu hepeke neenghono.

Slayman okwa ti okwa li e lilongekidila omawii nomauwa ndee ta tokolo opo a ye komesho nokutulwa oshiti shanafiyo shoshingulu: “Kakwa li ashike ndi wete kutya omukalo wevatelo kwaame, ashike okwa li ndi wete kutya omukalo wo kuyandja elineekelo kovanhu omayovi ovo va pumbwa oiti yanafiyo opo va xupe.”

• Enghundana doBBC