Ongudu yokahada otai kongo okaana komati konima vati ke liumbila momeva kondjete koSwakopmund Etivali.
Marthin Muyenda wokehangano lokuxupifa eemwenyo ledina Monarch Lifeguard, oo naye e li umwe womwaavo ve li moshikonga eshi, okwa koleka kutya okahada oka tameka Etivali.
Inspekita Hilma Shomongula wokopolifi yokErongo okwa ti oshininingwanima osha ningwa lwopotundi 15h00 Etivali.
“Otaku tiwa vati omulumenhu, e na omido di li 17 ile 18, okwa nukila mefuta kondjete yaSwakopmund. Opolifi oya nyamukula kouyelele oo ya pewa ndee eshi ya fika, nakumona oshinima eshi okwa li a pulwaapulwa,” Shomongula ta ti.
Shomongula okwa ti ombangi oya ti oya popifa omunhu oo a li kondjete ndee tai ti omulaula koshipa, a djala ombulukweva yembudu yofikola, ondjakete yembudu nokandjoto kopombuda.
“Konima yokafimbo, okwa uda vati omunhu ta ingida kutya omulumenhu okwa nukila mefuta. Okwe mu tala nee te liyolifa yee te limemesha manga ina ningina ko,” osho a ti ngaho.
Okandjato ke na okakende koshikundu nokaraadio okwa li ka hangika ponhele opo pa ningilwa oshiningwanima eshi.
Inamu hangika nande oufemba wa sha. Natango omunhu ou ke shiivike.
Opolifi otai indile ofamili oyo ya kanifa omulumenhu woukwatya wa tya ngaha opo i dengele diva opolifi yaSwakopmund ile oshitaashi shopolifi shi li popepi.
Omakonakono opolifi otaa twikile.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
