Omulumenhu e li hamunghele okwa li vati a hangi meumbo lepangelo Etine omutenya kuhe shiivike kutya okwa pitila peni, osho sha tula oilonga yakomufalandjai wopolifi Joseph Shikongo moshiponga.
Ouyelele kombinga yoshiningwanima eshi owe ya mokati komafeekelo kutya Shikongo okwa tewa moilonga.
Komufala wopolifi okwa li a wedelwa ko oshikako shomido nhatu kupresidente mukulu Nangolo Mbumba momudo 2024.
Oshikako shaye osha teelelika shi uye pexulilo muSeptemba modula tai ya.
Omapulo oo kwa li a tuminwa kombelewa yapresidente e na sha neameno kakwa li nande a nyamukulwa mexuliloshivike.
Shikongo okwa ti ke li mo modoolopa ndee ta ti vali kutya i na mona nande omukanda tau popi kombinga yekufomoilonga laye.
The Namibiana okwa uda kutya oshiningwanima eshi osha ningwa konima yotundi 15h00 Etine.
Omulumenhu vati okwe shi pondola okukengelela nokuhenuka eameno leumbo lepangelo, ndee ta i fiyo opofulula yopaumwene yapresidente.
Eedjo oda ti kakwa li nande pu na ovanambelewa veameno vali moilonga eshi elume eli la ya meumbo omu.
Konima a kwatwa po, omulumenhu vati okwa ti okwa li “a tumwa” nokwa ninga omatilifo kutya “ota aluka” ngee a di mokakuma.
Inashi yela kwa li ngee omulumenhu okwa mangwa po.
Eedjo, nande ongaho, oda yandja ombedi koilonga ya nghundipala yopolifi neameno lapresidente.
Ombelewa yapresidente Olomakaya oya ti kai na nande eshiivo kombinga yapresidente a kufa Shikongo moilonga.
“Inandi uda nande oshinima shi li ngaho, ndee ngeno okwa li osho shi li ngaho, ngeno otwa yandja ouyelele pambelewa,” omupopiliko weumbo lepangelo Jonas Mbambo ta ti.
Oshiningwanima osha ningwa konima ashike yomafiku eshi Shikongo a shiivifa elundululo lovanambelewa vopolifi vakula, mwa kwatelwa omutwe wakula weameno lapresidente, okutameka mulotete laMei.
Okwa lundululila komisina Julia-Sakua-Neo koZambezi okudja koKavango Uninginino, ndee ta shunifa omukulunhu weameno lapresidente mukulu, komisina Andreas Nelumbu koKavango Uninginino oko a ka ninga komufala wopolifi moshikandjohoololo.
Komufala wopolifo koshitopolwahoololo shaShana Naftal Sakaria okwa li a ulikwa a ninge omukulunhu woshikondo sheameno lapresidente.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
