Omukwashiwana waGerman, Fiedler Wolfgang, Etitatu okwa yandja omaano omambo kofikola yedina Okankolo Combined School moshitopolwahoololo shaShikoto.
Omambo oo a yandjwa omaano notaa ka longifwa yoo vali kofikola yedina Onguti Secondary School, oovahongwa vondodo 1-11 moilongwa ya yooloka noku na ongushu yoshimaliwa shi fike poN$300 000.
Wolfgang okwa lopota kutya oule womido 48 da pita, okwa yandja omaano omambo keefikola di li 115 moNamibia.
“Eefikola dihapu moNamibia oda taalela oupyakadi wombo inaa wana noilongifo ikwao ya fimana, fiyo opapa onda vatela eefikola di li nhano di mone omihandjo, eengulu neekombifa,” osho a ti ngaho.
Okwa ti vali oku li ta vatele ounona vofikola ovo ve na oulema womatwi nomesho ve li 118 moshilongo.
“Eli olo olweendo lange laxuuninwa nomaano koNamibia, itandi mu dimbwa shaashi oinima aishe ohandi i ningi okudja koshi yomutima wange,” osho a xulifa ngaho.
Omukulunhufikola Daniel Ngonga okwa ti omaano aa elitulemo mokuyambidida ehongo nekufombinga lidulife pomambo shaashi oshinima shakula mokuyandja ounongo.
“Omaano otaa ulike efimano lelongelokumwe noshinakuwanifa shaaveshe mokuyambula po oidjemo yelihongo.
Ongovahongifikola momikunda, otu udite ko kutya omambo aa fimana mokulonga nomokulihonga nawa, omaano aa otaa ka yambula po oilonga mongulu yofikola nokuxwaxwameka okulesha kwopaumwene,” osho a ti ngaho.
Omukulunhu wehongo moshitopolwahoololo shaShikoto Hilma Nuunyango-George okwa indila ovahongifikol va longife omambo va yambule po okuhonga nokulihonga moilongwa yavo ya fimana nomeendodo davo.
“Onghee nee omaano aa naa ete okuhonga kwongushu nokulihonga mofikola,” osho a ti ngaho.
-NAMPA
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
