Ngoka a li omugandjimayele gwopaupresitente, nokwa li wo amushanga gwewawa lyaakokele mongundu yoSwapo, tatekulu Kanana Hishoono, okwa mana oondjenda.
Hishoono okwa hulitha moshipangelo mOndangwa, mEtitatu.
Okwa mana oondjenda mepipi lyomimvo 94, nonande oodokumente dhe dhevalo otadhi ulike kutya okuna omimvo 89.
Pethimbo ta koleke onkundana yoluhodhi koThe Namibian, omwana, Abed Hishoono, okwa hokolola kutya aakwanezimo oya taamba ko onkundana yoluhodhi nokwa gwedhapo kutya nonande oya gwililwa po koshikogo oshiluudhe otaya pandula nokutyapula omwenyo gwa tate gwe sho a dhana onkandangala onene moonkalamwenyo dhawo osho wo memanguluko lyoshilongo.
“Tate okwa hulitha mepipi lyomimvo 89 ngaashi tashi ulikwa pokatse ke koshilongo, ashike pavalo lye lyolyene okwa hulitha nomimvo 94,” osho a popi ngaaka.
“Otwa taamba ko eso lye, ashike okukanitha tate gwoye oshinima hashi lulumike. Ashike, onkene tuna okutyapula onkalamwenyo ye, ndjoka i ihumbatela nawa,”osho Abed a tsikile ko ngaaka.
Abed okwa popi kutya he okwa li a yi kombanda pethimbo (Abed) a li owala e na omimvo mbali nokwa galuka ko pethimbo ena omimvo 15.
“Okwa li nda nyanyukwa okumomona tate sho a galuka ko kombanda. Sho a galuka, okwa tameke mbala noshinakugwanithwa she shomutse gwegumbo nokukala oye tate.
Okwa li e tu wilike nawa miinima oyindji, unene tuu miikwapolitika. Okwa kala oye omugandjimayele gwetu nomulongi gwetu,”osho Abed a popi ngaaka.
“Ashihe shoka ndi shi kombinga yopolitika, onde shi ilongela kuye.
Nokupopya Oshiingilisa onde kwiilonga okuza kuye,”osho a hokolola ngaaka.Abed, ngoka ngashingeyi e li mEgumbo lyoPashigwana, okwa popi kutya he okwa li wo e mu longo okukala a lungama uuna ta longo naantu.
“Okwa longa ndje okukala nda kotoka osho wo okwiiyageka okwiidhopa miinima yaantu, nopethimbo ndali muupyakadhi ngaashi sho kwa li nda falwa kompangu,”osho a popi ngaaka.
Nakusa Hishoono okwa li omugandjimayele gwiipambele yopolitika komukokoli-presitente Sam Nujoma osho wo komupresitente omukulu Hifikepunye Pohamba.
Okwa thigi ko omukukadhi gwe naanona yaheyali.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
