Omuniilonga gwehangano lya yama kepangelo lyokawe Namib Desert Diamonds (Namdia) okwa tulwa miipandeko mekwatathano neyako lyokawe kongushu yoomiliyona N$315 moshiningwanima shoka sha ningwa omumvo gwa zi ko.
Charles Roman okwa tulwa miipandeko mEtitatu nokwa holoka mOmpangu yaMangestrata gwaKeetmashoop ta tamanekelwa oshipotha shokuya moshipala iilonga yoveta osho wo okuya moshipala Oveta tayi Kondjitha Iimbuluma ya longekidhwa.
Roman okwa gwedha komwaalu gwaafekelwa yatatu mboka ye li nale mongali, sha landula sho ombelewa onene.
Pethimbo lyoshiningwanima shoka, opwa kanithilwa omwenyo gwomunambelewa gwegameno moNamdia, Francis Eiseb sho a yahwa.
Pethimbo ta tseyitha onkundana yetulo miipandeko lyomufekelwa omutine, omupopiliko gwehangano ndyoka lyokawe, Beverley Coussement okwa popi tati: “Shoka osha landula elongelokumwe ndyoka tali tsikile pokati kaNamdia nopolisi ongoshitopolwa shonkambadhala yokushilipaleka kutya ayihe otayi longa paushili nopuuyelele.”
Omuniilonga ngoka a tulwa miipandeko okwa kuthwa nale miilonga pakathimbo pwaana ofuto yondjambi, omanga kwa tegelelwa iihokolola yomeni lyiilonga osho wo omakonakono gopolisi kombinga yoshikoya ta fekelwa.
Coussement okwa popi kutya Namdia ota pandula opolisi molwiilonga taya longo okushilipaleka kutya uuyuuki owa longwa mokumanga po mboka taya fekelwa moshipotha shaNamdia.
Omumvo gwa zi ko aafekelwa yatatu oya tulwa miipandeko mekwatathano noshiningwanima shoka. Aafekelwa mboka oyo omukeeleli gwomaliko omukulu moNamdia Joel Angula, ngoka a li sekuliti gwehangano lyo-G4S, Samuel Shipanga osho wo Sam Shololo.
Aafekelwa mboka oya taalela iipotha ya yooloka mwa kwatelwa edhipago, onkambadhala yedhipago, eyugo kwa homatiwa, osho wo okukala nuuwe inaawu tetwa.
Omufekelwa gulwe Max Endjala okwa li i ikutha omwenyo konima yoshiningwanima sho a nongele kutya ota kongwa komiya dha shinana mekwatathano neyako ndyoka.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
