OMUDHIMBA gwokamatyona koomvula 14 hoka ka li ka si omeya mefuta po Henties Bay, ogwa li gwi itsuwa pehekevimunkulofuta – oshinano shookilometa oontshona kuumbangalantu.
Inspekata Omukuluntu Chris Kalimmbula okwa ti aavali yokamatyona haka oya ti kutya oko Elwin Busack na oka li ka hililwa mefuta komakuthikuthi manga ka li ta ka dhana nookuume yako mEtitatu lya zi ko.Konima yoshiwike, omuntu gumwe okwa li i itsu omudhimba gwokamatyona haka pokana kwomulonga gwa Maruru, gu li kuumbangalantu wa Henteis Bay. Busack nookuume ke oya li aniwa taya dhana nokuyoga popepi no South Dune po Henties Bay, sho ekukuthikuthi lya kindja lye mu undulile puule wefuta.Ookuume ke oya lia ya kambadhala oku u hupitha, ihe ina ye shi pondola.
