Elelodoolopa laVenduka ola ti otali tale nawa eindilo loministili youndjolowele nomayakulo opanghalafano lokulongifa oRamatex ongomungulilo yomiti.
Oshinima eshi oshe ya konima kwa lopotwa kutya moipangelo omu na omumbwe yeemungulilo domiti.
Petameko lomudo ou, minista Esperance Luvindao okwa li a popya kutya omumbwe yomiti otai etwa komumbwe yeemungulilo moshilongo.
Omupopiliko woministili Walters Kamaya okwa lombwela oThe Namibian oshivike sha dja ko kutya oministili otai kongo omungulilo yomiti noya tala keenhele dihapu, mwa kwatelwa oRamatex.
“Okwa li tu na omahoololo ahapu omo mwa kwatelwa oRamatex. Okwa li twa tala koTransNamib nokeenhele yoo dimwe,” osho a ti ngaho.
Omupopiliko welelodoolopa laVenduka Harold Akwenye okwa ti ewikikongudu ola mona eindilo eli okudja koministili omwedi wa dja ko, ashike nee, kapu na nande etokolo la ningwa po.
“Otwa mona eindilo okudja koministili momafiku 29 Septemba, ndee oshikumungu eshi otashi talululwa paife notashi ungwaungwa nasho,” osho a ti ngaho.
Okwa ti kutya ewilikongudu otali tale lela nawa kutya oRamatex oya kala onhele yomaudano a yooloka noinima yomalinyanyudo, ndee ngee eindilo e li ola tambulwa ko, muni ota ka kundafana neengudu domaudano odo da kumwa va tale kutya otava mono onhele imwe peni momatungo amuni.
“Eshi okukwashilipaleka ashike kutya omaudano okwa twikila puhe na nande omainda akula,” Akwenye osho a ti ngaho.
Presidente wehangano ledina National Volleyball Federation (NVF) Tobias Mwatelulo okwa ti ongudu yopashiwana youdano wovolley oya kala nokulongifa oRamatex oule wefimbo nomuyo ashike ye lineekela.
Mwatelulo okwa ti eenhele ngaashi Hage Geingob Stadium ihadi dulu okuningilwa omaudano e dulife pwaavali doo ihadi kala alushe da manguluka, ta weda po kutya eenhel di li ngaho odi li kokule nodoolopa doo odi na ondilo.
“Oitufi imwe otashi dulika iha ningwe.
Keenhele oku ohatu ka futa osho hatu futu paife lwoikando omulongo. Okudula okufuta otaku ningi oupyakadi ndee omaudano onhumba otashi dulika aha ningwe,” osho a weda po ngaho.
Omuxwaxwameki woudano weengonyo Nestor Tobias okwa ti ngee oRamatex oya kufwa po koministili youndjolowele osha nyika oshiponga keyokomesho lomaudano moNamibia.
Okwa ti opu na eenhele dimwe tadi dulu okuningilwa omaudanao aa ashike ohadi wana ashike ovanhu vashona.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
