Omupedu minista woikwameni, Omatembu nEameno, Eduward Wambo, okwa indila ovakalimo moHoachanas noStampriet moshitopolwahoololo shaHardap opo va fimaneke okumona omaufemba opashiwana.
Ta ti omaufemba aa fimana nohaa vatele ovanhu va dule okumona eemhito.
Oshinima eshi Wambo, okwe shi popya poshoongalele shoshiwana Etivali, ongombinga yeenghendabala doministili dokutwala ouyelele moshiwana u na sha nokushangifa eedjapo domadalo, oumutwe voshilongo noikumungu i na sha nomatembu neameno.
Okwa lombwela engafifi lovanhu kutya okukala u na oufemba natango oshinima sha fimana, unene ngaa moshiwana osho shi hadi ovanhu vehe na omikanda noukwashiwana.
“Etumba linene okufikama komesho yoshiwana eshi shi na ondjokonona yakula, tu kundafane oshikumungu sha fimana meenghalamwenyo dovanhu, oufemba wokumona oukwashiwana paveta,” osho a ti ngaho.
Wambo, oo e li yookamusela woshikandjohoololo shaRehoboth Urban, okwa popya kutya omikundu domikanda kadi shi ashike oshinima shi na sha nomulandu, ashike oshinima osho tashi hepeke ovanhu moshiwana.
Natango, Wambo okwa popya kutya opu na omukundu womaufemba opashiwana ihaa ka talwa ko keembelewa, ta ti kutya omaufemba aa fimana mokutambulwa ko paveta nokumona omayakulo a fimana.
Opo i shi ninge shipu, oministli otai longo pamwe neekamusela doikandjohoololo opo i yandje omikanda doukwashiwana koshiwana meyukililo.
Okwa pula oshiwana opo shi yandje outeelelifo keembelewa dookamusela.
Opwa totwa omukalo wokutuminwa okatumwalaka kongodi ngee omukanda wanakuninga eindilo wa pu.
Wambo okwa twikila nokupopya efimano lokushangifa eedjapo domadalo pefimbo, ta londwele kutya ngee ounona inava ningilwa eedjapo domadalo ihava kala ve na oukwashiwana.
Omayakulo aa twalwa koipangelo ya yooloka, mwa kwatelwa okakilinika kaHoachanas noipangelo moRehoboth, Mariental, Aranos, MaltahÖhe noStampriet.
Ashike nande ongaho, ovakalimo ova holola omalimbililo omumbwe yeembelewa doipambele yomeumbo, osho hashi fininike va longife oshimaliwa shihapu va ye koMariental, nosho yo omapuko momikanda dopambelewa nomaliumbato opolifi.
Wambo okwa udaneka elitulemo loministili lokuyambula po eameno.
-NAMPA
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
