Omakonakono kombinga yoshiningwanima shoikulya i na oudiyo oyo kwa li ya liwa kovanafikola kofikola yedina Maria Mwengere Secondary School koRundu okwa mona kutya omeva omomuhandjo oo kwa li a kaka.
Oshinima eshi okwa li sha shiivifwa kuminista Sanet Steenkamp momutumba wopashiwana Etitatu.
“Omeva a kaka e li mondoloma yomeva oo kwa li a etifa oshinima eshi,” osho a ti ngaho.
Omakonakono okwa li a ningwa koministili yehongo, omaduto oinima ipe,ovanyasha, omaudano, omaunghulungu nomifyuululwakalo, pamwe novakufimbinga ngaashi oministili youndjolowele nomayakulo opanghalafano, konima ounona ve li 33 kofikola kwa li va twalwa koshipangelo, vavali okwa li ve li komhipepo, konima va lya oikulya i na oudiyo.
Okwa ti ounona aveshe ova lekelwa nova shuna keetundi.
Mofikola ei yedina Maria Mwengere Secondary Schoolo omu na ounona ve li lwopo680. Omakonakono, Steenkamp okwa ti, okwa holola kutya ongushu yomeva motenga yokutuvikila omeva yomomuhandjo okwa li e na omuti sha pitilila pondodo opo taa dulu okulongifwa kovanhu.
Okwa weda po vali kutya omeva okwa ulika noluvala lihe shi liwa olo tali holola kutya ee na oudiyo.
Shaashi ofikola kakwa li ya lombwelwa pambelewa i xulife po okulongifa omeva okudja motenga yomeva oyo ya kaka, ounona ova twikila nokulongifa omeva oo, osho sha naipaleka onghalo.
Omakonakono okwa holola kutya ongulu yokutelekela inai talelwa nande kombinga youkoshoki okudja ngaa momudo 2014.
Omakako okwa li yoo a hangika mongulu yokutelekela newiliko lokuya mo okwa li la nghundipala neenghono, minista osho a ti ngaho.
“Natango, oshinima eshi nasho okwa monika kutya otashi dulika osho sha eta onghalo ei.
Ashike nee, omilandu dokukelela oinima ei oda tulwa moilonga paife opo kuyandwe oshinima eshi shi liendulule monakwiiwa,” osho a ti ngaho.
Ina popya kutya omolwashike kwa li ina kwatelwa mo.
Steenkamp okwa ti ombelewa yehongo moshitopolwahoololo oya tameka omilandu defimbo lixupi nefimbo lile nokuwapaleka nokukonga oipumbiwa yokuwapaleka ondunda yokutalaleka oku li nale metifa.
Okwa ti oministili oya pitika patulwe otenga imwe ipe meendelelo i pingene po oyo ya kaka, pamwe nomilandu dokuungaunga noimbodi tadi ka nghonopekwa.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
