OMBELEWA yomutamanekindjai Martha Imalwa oya anya omapopyo kutya okwa kala nokukateka okutala koipofa yakula oyo ya yandjwa kokomisi yokukondjifa oimbuluma yaNamibia yedina Anti-Corruption Commission of Namibia (ACC).
Ashike nande ongaho, ombelewa yomutamanekindjai oya koleka kutya oipofa imwe yakula, ngaashi shehangano loupale veedila laNamibia ledina Namibia Airports Company (NAC) noshikumungu shomatungo okutuvikila omaahooli opashiwana, oi li shili mombelewa yaye.
Olopota i li koshi yoshipalanyole ‘Oipofa i li 98 ya pakelwa mombelewa yomutamanekindjai’, oyo kwa li ya nyolwa moThe Namibian Eitano, oya endulula oitya yomukulunhuwiliki wokomisi yokulwifa oulingilingi Paulus Noa, oo a koleka omwaalu woipofa oyo ya tuminwa kombelewa yomutamanekindjai.
Olopota oyo oya ti oipofa oyo i na okukala yomwaayo i li kombelewa yomutamanekindjai okudja momudo 2016, omwa kwatelwa osho shoshikumungu shoombaanga yoSME (sha kwatela mo eemiliyona N$247), oshipofa shokoAgro-Marketing and Trade Agency (Amta) (sha kwatela mo eemiliyona (N$57), oshibofa shoNAC (sha kwatela mo eemiliyona N$360), noshikumungu nee shomatungo okutuvikila omaahooli opashiwana, oo kwa li a tungwa keebiliyona N$50.
Imalwa okwa ti olopota yEtitano okwa li i na ouyelele wa puka, shaashi shimwe shomoipofa ei okwa li sha alulilwa koACC, omangha ikwao oya “kula” oyo tai ungaungwa nayo kombelewa yaye.
Ombelewa yaye oya yandja omukanda Etitano, tai tilifa okukufila oThe Namibian eenghatu dopaveta.
Otau ti ombelewa yaImalwa “oi na oufemba wokukufa eenghatu dopaveta”.
Ombelewa yomutamanekindjai oya ti olopota, “oi na oueyelele uhe li mondjila oo waandjakanekwa moshiwana noya pumbwa okupukululwa meendelelo, shaashi otau lyatele pedu ouyuki noilonga yombelewa ei”.
Omukanda natango owa yeleka yoo oshipofa shoNAC sha kwatela mo omapopyo oulingilingi kombinga yokuyandja otendela yongushu yeemiliyona N$360.
Ombelewa yomutamanekindjai oya ti:”Eshi oshinima shakula shi li mombelewa yomutamanekindjai.
Ou kwa li tau ngaunga nasho nale okwa fiya po oilonga muAuguste 2025, okudja opo, oshikumungu eshi oshi na okupewa omunhu umwe oo e na oku shi lesha ashishe ndee oshinima eshi osha pumbwa efimbo”.
Ombelewa oya ti, “ombaanga yoSME, oshipofa eshi kashi li nombelewa yomutamanekindjai shoo inashi konakonwa kokomisi yokulwifa oimbuluma.
Omakonakono opolifi yaNamibia. Keshe ouyelele tau ti omukulunhuwiliki woACC oye ta ungaunga noshikumungu eshi kau li mondjila”.
Ombelewa yaImalwa oya ti omatokolo kombinga yomatamaneko ohaa kufwa she likolelela koveta noumbangi, ndee kashi fi kefininiko.
“Eshi okutala nee kutya ombelewa yomutamanekindjai oya teelelwa i ninge omatokolo she likolelela koveta noumbangi ndee kashi fi ashike omatokolo omeendelelo e likolelela komaukwatya”.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
