Presidente wongudu yoSwapo Netumbo Nandi-Ndaitwah okwa ti omatopauko meni longudu nomauyelele ehe li mondjila otashi dulika a nghundipaleke ongudu.
Eemhata meni longudu inadi “teya po” oukumwe wongudu, osho a ti ngaho.
Oshinima eshi okwe shi popya pepatululo loshoongalele shongudu mutima yoSwapo mOvenduka Olomakaya.
Nandi-Ndaitwah okwa ti oukumwe natango ou li oshinima sha fimana mongudu ndee owa pumbwa okwaamenwa komafininiko omeni nokondje yongudu.
“Natu livangeke oinima oyo tai lalakanene oku tu topaula, kutya nee otai di meni ile kondje yongudu,” osho a ti ngaho.
OMAUYELELE A PUKA
Nandi-Ndaitwah okwa ti omauyelele ehe li mondjila otaa logifwa a ete engwangwano nokuteya po elineekelo mongudu.
“Opu na ovo hava popi oipupulu ya fa oshili, opo va ete engwangwano, va teye po elineekelafano noukumwe mokati ketu,” osho a ti ngaho.
Nandi-Ndaitwah okwa ti ongudu natango oye litula mo mokutula moilonga omukandaudaneko wayo womudo 2025 fiyo 2030, oo wa tala unene kokunghonopeka ovanyasha nomayambukepo aalushe.
Mokati koinima oyo ya popiwa tai ende nawa omwa kwatelwa oshikefa shomayambulepo ovanyasha shopashiwana nokufuta omalinyolifo nofuto yehongo lopombada.
“Ei kai fi oinima yongaho. Eenghendabala dokolela odo tadi lundulula eenghalamwenyo dovanhu vetu,” osho a ti ngaho.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
