Ovakulunhuwiliki vavali vehangano Namibian accounting, otava ka hoololwa opo va ninge ovatonaleli vomaliko aavo tava tamanekelwa oFishrot oo e li momake epangelo.
Eshi otashi ningwa konima eshi omhupanguli, Orben Sibeya, a pula momhangu yopombada Omaandaxa kutya Harald Hencht naPierre Knoetze, ovo ve li ovakulunhuwiliki vehangano PKF Financial Consulting Services, nava hoololwe onga ovatonateli vomaliko opo va kufe ko elelo lomaliko aavo tava tamanekelwa oFishrot, oo kwa li a kufwa ko kepangelo muNovemba 2020.
Sibeya okwa pula vali opo ehoololo laavo kwa li tava tonatele omaliko aa nale, David Bruni naIan McLaren li etwe pexulilo ngee omhangu yopombada ya yandje omukanda oo tau ulike ovahoolowa va pe.
Bruni naMcLaren okwa li va ulikwa opo va ninge ovatonateli vomaliko ovatamanekwa vahamano voFishrot – oo a li nale ominista mokabinete Bernhard Esau, Sacky Shanghala, James Hatuikulipi, Tamson Hatuikulipi, Ricardo Gustavo naPius Mwatelulo nomahangano eli 16 oo kwa li tava wilike, nomaliko omukulukadi waEsau, Swamma Esau nokaana kaye, Ndapandula Hatuikulipi, oo a hombolwa kuTamson Hatuikulipi, muDecemba 2020.
Bruni naMcLaren ova lombwela omhangu muAguste 2022, kutya otava ningi eindilo opo oshikako shavo onga ovatonateli vomaliko aa shi etwe pexulilo.
Ovalombwela omhangu kutya okuwilika omaliko aa otaku lolola neenghono, osho sha ninga okwaafila oshisho kudjuu, ova ti vali itava dulu vali okutwikila nokwaamena omaliko aa. Omutamanekindjai Martha Imalwa, muJanuali okwa li a pula kutya ovatonateli vomaliko vavali ovaSouth Africa, Johan Engelbrecht naCoenraad Stander, ovo ve na owino mokutonatela omaliko nava ulikwe opo va pingene po Bruni naMcLaren. Sibeya Omaandaxa okwa anya osho sha pulwa kuImalwa, opo kuulikwe ovanhu vokoSouth Africa ovo va kale tava tonatele omaliko ovatamanekwa.
Vamwe vomovatamanekwa navo kakwa li veshi hafela eshi omutamanekindjai a hala kuulikwe ovaSouth Africa ovo va tonatele omaliko avo. Momushangwa oo wa yandjwa komhangu Hatuikulipi, okwa ti euliko lovatonateli vomaliko ve li koSouth Africa oli na ondilo.
Okwa ti vali oilonga yokutonatela omaliko otai dulu ashike okulongwa nawa nomeendelelo kovanhu tava di kehangano ngaashi PKF Financial Consulting Services. Omaliko aa otaa kala momake epangelo fiyo oihokolola yoshibofa eshi ye ya pexulilo momhangu yopombada mOvenduka.
Ngeenge ovatamanekwa ovamonika ondjo, omhangu otai dulu okuyandja elombwelo opo omaliko a kufweko kepangelo. Omaliko oo e li momake epangelo omwa kwa telwa, oimaliwa oyo i li keembanga, omahangano, omaumbo, eetuwa di li lwopo60, eendjembo, omalyenge neevili dondilo.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
