Oshipofa shedipayo lihe fi loshiningilewina osha patululwa konima yoshiponaga shobesa nololi yomadu de lidenga mumwe popepi nOniimbwele, eekilomita di li lwopuhetatu pondje yOndangwa, Oshoondaxa konguloshi.
Oshiponga, osho sha twaalela eemwenyo dovanhu di li hetatu, osha ningwa lwopotundi 17h40 mondjila yoB1 pokati kOniipa nOmuthiya.
Osha ningwa pokati kobesa yoKambebe Transport nololi yomadu yehangano ledina Niimboto Construction CC.
omu[popiliko wopolifi yaNamibia omupedu komisna Kauna Shaikwambi okwa ti, ololi okwa li tai di kOnathinge ya yuka kOndangwa eshi vati ya nukila kobaana ikwao, tai lidenge omutwe mumwe nobesa ya hangi tai di komesho, oyo kwa li ya yuka kOvenduka.
“Oshiponga eshi okwa li sha kula, sha eta ovanhu vaheyali va xulifile opo sha ningilwa nanakuningwa oshihakanwa umwe a ka xulifila koshipangelo kOnandjokwe.
Aveshe ovo va xulifa okwa li ova twaalelwa mobesa, mwa kwatelwa omushingi,” Shikwambi osho a ti ngaho.
Monaakufya omwa kwatelwa omushingi wobesa omunamido 52, ounona vavali voukadona, inava tumbulwa komadina, omulumenhu e na eedula di li pokati ko20 no30, omukainhu Omunamibia womido 22, omukainhu Omunamibia womido 52, nomukainhu umwe ina dimbulukiwa, omukainhu omunamido 25 oo a ka fila koshipangelo nomulumenhu wOmuangola womido 32, Shikwambi osho a koleka ngaho.
Okwa ti omushingi wololi omunamido 52, oo a li mo oye auke mololi, okwa mona oshiponga neenghono nokwa tambulilwa moshipangelo shaNandjokwe.
Shikwambi okwa weda po kutya omalutu oonakufya okwa twalwa kokila yoshipangelo shaNandjokwe a ka konakonwe, mangha eenghendabala dokulombwela ovakwapata di li metifa.
Kapu na nande omunhu a mangwa po natango nomakonakono kombinga yosheetifi shoshiponga eshi otaa twikile.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
