Okwa lopotwa oipofa yomateyo omaumbo itano mexuliloshivike

Opolifi otai konakona oipofa yomateyo omaumbo noumbudi ya lopotwa mexuliloshivike moshitopolwahoololo shaKavango Uninginino, Erongo, Hardap nOshana, nomaliko ongushu yoshimaliwa shi fike poN$230 000 aa vakwa po.

Omupopiliko wopolifi omupedu komisina Kauna Shikwambi okwa ti oiningwanima ei okwa li ya lopotwa pokati komafiku 12 no17 Januali, nomakonakono otaa twikile.

Moshitopolwahoololo shaKavango Uninginino, okandingosho komukunda Karangana moshikandjohoololo shaBunya okwa li ke liteyelwa peevili dongula yEtitano.

Shikwambi okwa ti omufeekelwa ehe shiivike okwa longifa oshinima shihe shiivike a denge po omakumba e li atano poundingosho vedina Musese mangha ina vaka po oinima yongushu yoshimaliwa shi fike poN$2 560.

“Kapu na nande oshinima sha monika po ile omufeekelwa a mangwa po natango,” osho a ti ngaho.

Moshitopolwahoololo shErongo, omwa lopotwa oshipofa shimwe sheteyo leumbo moEros Street, South Dune, Henties Bay, pokati kotundi 00h30 no02h00 Etitano.

Omufeekelwa okwa pitila mekende lishona lokandjuwo ndee ta vake mo eengodi mbali doludi loiPhone 17 Pro Max, oshimaliwa noutenda vomomatwi, i na ongushu yoshimaliwa shi fike poN$91 050.

“Kapu na nande omunhu a mangwa po noinima ei ya vakwa po inai monika natango,” Shikwambi osho a ti ngaho.

Moshitopolwahoololo shaHardap, omulumenhu Omunamibia okwa li a mangwa po shi na sha neteyo leumbo la lopotwa kolukanda ledina Ombili moMariental lwopotundi 04h30 Olomakaya.

Shikwambi okwa ti omufeekelwa vati okwa longifa oshinima shihe shiivike a patulule omuvelo ndee ta vake mo ongodi yongushu yoshimaliwa shi fike poN$18 000.

“Omufeekelwa okwa li a mangwa po, ashike oinima oyo ya vakwa inai monika natango,” osho a ti ngaho.

Oipofa ivali yomateyo omaumbo okwa li yoo vali ya lopotwa kOngwediva.

Moshipofa shotete, eumbo okwa li la teywa pokati komafiku 12 no16 Januali mangha oovene kwa li va dja po.

Omufeekelwa vati okwa tatula ekende opo a ye meumbo ndee ta vake mo oinima ya yooloka yongushu yoshimaliwa shi fike poN$24 800.

“Kapu na nande omunhu a mangwa po ile oshinima sha monika,” Shikwambi osho a ti ngaho.

Moshipofa oshitivali kOngwediva, eumbo okwa li la teywa pokati kalotete nomafiku 16 Januali eshi oovene kwa li va ka tyapula omudo mupe.

Eshi va aluka momafiku 16 Januali nakutula mo oshipofa natate waye ova hanga omuvelo wa yeuluka, ashike kapu na nande oshinima tashi ulike kutya owa yeululwa keenghono.

Oinima oyo ya vakwa mo omwa kwatelwa eembete nhee, eeradio domudidimbe nhano noumircowaves vavali, aishe i na ongushu yoshimaliwa shi fike poN$93 900.

“Omufeekelwa moshiningwanima omu oku shiivike kopolifi ashike ina mangwa po natango,” Shikwambi osho a ti ngaho.

Omakonakono opolifi otaa twikile moipofa aishe ei itano.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.