Eshi kwa li mushona Uakalenda Mbinge (54) ota dimbulukwa a longwa mofikola kutya Sam Nujoma okwa li onghoshi – omuleli ou iha tila.
Etine, Mbinge okwa li a ya mondjila ya fimana opo a ka yandje efimaneko laye laxuuninwa komukokoli presidente waNamibia Sam Nujoma.
“Ovahongi vetu ove tu longa kutya Sam Nujoma okwa li onghoshi.
Ova ti oku na omushila noke na nande ofiku aa lukile koNamibia,” Mbinge osho a ti ngaho, eshi ta dimbulukwa oukwatya womulumenhu oo a kwatela komesho Namibia a mone emanguluko.
Mefiku limwe, Mbinge okwa enda eekilometa 330 okudja keumbo laye kEpupa moshitopolwahoololo shaKunene a ye kEtunda koshitopolwahoololo shaMusati, oko kwa li kwa ningwa oshitufi dimbuluko shaNujoma Etine.
A djala oikutu yopamufyuululwakalo yaaHimba, Mbinge okwa popya kombinga yondjila oyo a enda opo a ka yandje efimaneko komulumenhu oo ha ifana ‘”omukotoki”.
Okwa longifa po oshimaliwa shaye shi fike poN$170 molefa okudja kEpupa fiyo okOkahao. “Onda penduka ongula ndee handi lefa ndi ye kOpuwo. Okudja mOpuwo onda lefa nda yuka kOkahao.
Onda fika omutenya lwopoundi 16h00,” Osho a ti ngaho.
Mbinge okwa ti oku na okushuna kOpuwo konima yoshituvi dimbuluko shEtine.
Eshi kakwa li nande oshikando shotete Mbinge ta ende ondjila ile mokufimaneka Nujoma, okwa ile yoo vali kepako lameme waye momudo 2007 nokwa kala luhapu ha talele po ofamili yaNujoma pefimbo loitufi yomadalo.
Nujoma okwe mu longa shihapu, osho a ti ngaho, mwa kwatelwa okukwatela po ombili moNamibia.
Manga ina shakena naNujoma oshipala noshipala eedula dihapu da pita, okwa li ha mono omafano a yolifa moifokundaneki aNujoma.
Mbinge oye umwe womovanhu vahapu ovo va enda oinano ile okudja keenhele da yooloka Etine opo va ka yandje efimaneko lavo laxuuninwa komukokoli presidente.
Mokati kovalilifya omwa li mu na presidente mukulu Hifikepunye Pohamba, oo kwa li nokuli a kwena konima a tala Nujoma koshipala.
Efiko lomudimba waNujoma Etine pokapale keedila kaAndimba Toivo ya Toivo okwa lela la kuma ovanhu keemwenyo, opwa li yoo ovakwaita vakulu voPlan yaNamibia tava imbi omaimbilo ekondjelo manguluko.
Ovatali mwa kwatelwa ounona omafele novakulunhu okwa li ve li momikweyo pominghulo dopate oyo ya dja kOndangwa ya yuka kOshakati naayo ya dja mOshakati ya yuka kOkahao.
Ongombinga yokulekela xuuninwa yopambelewa, omudimba waNujoma otau ka twalwa koitopolwahoololo ihetatu moshilongo.
Oitopolwahoololo oyo nee, Omusati, Ohangwena, Kavango Ushilo, Zambezi, Otjozondjupa, Erongo, //Kharas noKhomas.
Nujoma oye ashike kwa li a shaala ko movaleli vepupi laye muAfrica ovo kwa li va lwa oita yomutondi. Okwa li omupresidente waNamibia okudja momudo 1990 fiyo 2005.
Konima yefyo laye, epangelo okwa li la yandja omafiku e li 21 okulila, nomapandela moshilongo okwa tulikwa etata.
Kaume kaNujoma wefimbo lile omubishop wongerka yaElcin e li moshipundi shetulumuko, Kleopas Dumeni, Etine okwa ti Nujoma “omuyandjimayele muwa nomuleli e na owino”.
Omufitaongalo waElcin e li moshipundi shetulumuko Tshapaka Tsakapolo okwa ti kutya kEtunda okwa pumbwa okuya oshihongwafano shaNujoma.
Omulunhuwiliki mukulu welelodoolopa laVenduka Niilo Taapopi koshitufi okwa ti Nujoma okwa ningila Namibia naAfrica shihapu.
Ngoloneya woshitopolwahoololo shaMusati Erginus Endjala okwa ti Nujoma omukotoki nomuleli “a kula”
Eshi oshitufi tashi twikile ofamili yaNujoma nayo oya lekela omulumenhu oo ve shi, shi dulife poukwatya waye womoshiwana. Mumwainakadona, Julia, okwa dimbulukwa mumwainamati nohole te mu ula kutya “ongopolo”, nomunandunge nomunhu iha tila sha.
“Okwa li ashike a fa nakutya tate wetu nameme,” Osho a ti ngaho, “e na omukumo wa pama. Epangelo loukoloni okwa li le mu hala, a fya ile e na omwenyo, ashike natango ina sholola.”
Nujoma okwa talika ko kutya oye omweeti akula wemanguluko laNamibia.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
