“Okwali e hole okuya komufitu, okwa li e hole okulifa,” Iipinge Festus, omushamane waKlaudia Amunyela, oo kwa li a dipawa kondjaba Etine osho a ti ngaho.
Amunyela, pamwe novanamukunda vakwao, vati okwa li ve shii oya fya konima kwa li ya yashwa komunamukunda umwe onguloshi ya pita.
Amunyela vati okwa kuma omushila wayo ndee ta kendabala e lifanekele popepi nayo opo i mu ponokele, ndee tai mu dipaya.
Ovalihomboli ava okwa li hava di kOmugulugombashe moshikandjohoololo shaTsandi moshitopolwahoololo shaMusati.
Ove na ounona vatatu, vomido mbali, nhee naheyali.
Festus okwa ti paife okwa shaala po ashike oye auke te va file oshisho sha landula efyo lomukulukadi waye. Oha tungu momukunda nopomikunda dopoitelefo opo a dule okupalufa ofamili yaye.
Ashike nee, okwa ti ita dulu vali okutwikila nokulonga shaashi paife oku na okukala meumbo ta file oludalo laye oshisho.
“Okwa li omunyakukwi oo ha file ofamili yaye noimuna oshisho.
Lihapu oha i komufitu manga ndi li nounona,” osho a ti ngaho.
Festus eshi oshingwanima sha holoka kali po shaashi okwa li e li komukunda umwe ta longo.
Okwa uda kovanamukunda vakwao kutya Amutenya okwa kendabala okulifanekela popepi nondjaba, osho sha eta efyo laye.
“Okwa li nda dja po noilonga. Eshi nda aluka, ovanhu okwa li tava popi omahokololo a yooloka, kakwa li ndi shii kutya nandi itavele po lilipipo,” osho a ti ngaho.
Okwa ti eendjaba ohadi monika po poshitopolwa opo luhapu, unene ngaa pefimbo leendima, tadi teya po omapya ovanhu.
“Keshe odula ohadi uya.
Omukunda wetu owo wa shiya koixwa. Oda teyaula po omapya etu nomakove. Inadi teyaula po lange, ashike oda teyaula po ovashiinda shange,” osho a ti ngaho.
Festus okwa ti oifitukuti ikwao ngaashi omambungu nao ohaa monika mo luhapu moshitopolwa nohaa ponokele oikombo.
Okwa ti ovanamukunda ova kala nokulopota oifitukuti ei meengodi ile va ye koshitaashi shi li popepi, osho shi li eekilimita di li lwopo70 kokule navo.
Ashike nee, ovanambelewa luhapu ohava fiki konima yefimbo lile ile ihava nyamukula nokuli nandenande. “Ngee ve ya, oifitukuti oya teyaula po nale omapya etu nomakove,” osho a ti ngaho.
Festus okwa indila kepangelo li mu yambidide okufudika omukulukadi waye, ta ti ke na oshimaliwa shefudiko lomukulukadi waye.
“Oministili ngeno okwa li tai eta nande okamobaila oku manga pefimbo eli,” osho a ti ngaho.
Komufala wopolifi koshitopolwa shaMusati Ismael Basson Oshoondaxa okwa lombwela oThe Namibian kutya ondjaba oya dipawa kovanambelewa vokuwilika oushitwe va dja koshikondo shokOutapi.
Omupopiliko woministili yomidingonoko nomatalelepo Vilho Hangala okwa ti omakonakono okwa tamekwa okudja poshiningwanima.
Okwa ti itashi patanwa kutya oifitukuti omafimbo amwe ohai ya moshiwana shaashi otai nanwa koikunonwa oyo i li momapya.
“Oministili otai pula oshiwana shiha kendabale okweehameka, okudanauka ile okushinda oifitukuti ngee ye ya moitopolwa yavo,” osho a ti ngaho.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
