Okwa LI ve ya omayovi.
Vahapu okwa li va nyika oluhodi tete mEtitano eshi kwa li va ngudumana momapandaanda omoshilando pangelo opo va tale olutu laye tali endaendifwa ketanga leameno.
NOmolomakaya eshi kwa li tava ka londa eebesa odo de va twala kokapale kemhanguluko oko kwa ningilwa oshivilodimbuluko shaye shaxuuninwa.
MOshoondaxa, pelesidente Hage Geingob okwa li a pakwa koHeroes Acre. Omufiyekadi waye, Meme Monica Geingos, okwe mu ifana ta ti “Ou
Hageba, kai axaba”, tashi ti omukulupe Hage. Pexulilo okwa li pu na okuulika ohole yomukulupe Hage.
Mokati kaavo va li tava lili mEtitano okwa li mu na Elfrieda Temba. “Kashi shi ashike kombinga yopendjela, ohatu kwena shaashi okwa li e hole ovanhu neenghono,” Osho a ti ngaho.
Loide Tjiramba (27) okwa li a yelula epulakatata tali ti “fiyo alushe momitima detu” eshi kwa li ta londo mobesa poMalakadraai a ye koshivilodimbuluko mOlomakaya kokapale kemanguluko.
“Oinima ikwao otai teelele, pelesidente wange oye tete. Itandi dulu okukala inandi ya, onde mu hoololo ashike natango ondi na okukala nda ya kepako laye opo ndi ka yandje efimano lange laxuuninwa,” Osho a ti ngaho.
Ueriseri Murumbua okwa penduka po05h00 opo a teelele obesa yelelo laVenduka opo a ye koshivilodimbuluko mOlomakaya.
Artist Kaipurua Katjaita a dja kOkakarara okwa fika mOvenduka Etitatu la dja ko e ya kepako.
Okwa li a yelula efano laGeingob la shangwa ‘son of the soil, freedom fighter’.
Katjaita okwa kala e kwete efano laye epako alishe laGeingob.
OTADIMBULUKILWA OUWANAWA WAYE
MOlomakaya pefimbo loshividimbuluko shopambelewa kokapale kemanguluko, pelesidente Nangolo Mbumba, okwa lombwela ovalilifya kutya ondjila yaGeingob otai dimbulukiwa molwashomupondo sho a longa.
Mbumba okwa ti oukumwe ou wa ulikwa kovaleli womounyuni eshi ve ya keefya, otau koleke omanhango yaGeingob kutya “Namibia okaume kaaveshe, ndee ke na nande omutondi”.
“Pelesidente Hage Geingob okwa li e hole okuninga shomupondo. Okwe tu ulikila nghee tu na okuya komesho,” Mbumba osho a ti ngaho.
Okwa ti Geingob omulumenhu ou e hole ombili, ndee ta dimbulukwa oshinima osho kwa li e hole okupopya: “Omunhu iho ningi ombili nakaume koye, oho ningi ombili nomutondi woye.”
Nakufya pelesidente okwa li e hole oshili nokwa kala alushe a fimaneka eenghatu daye kutya nee opu na omaudjuu a fa shike.
Mbumba okwa ti opu na eemhito dihapu okutula Ovafrica kumwe kwa Geingob okwe ya komesho. Pelesidente okwa ti Geingob okwa kufa omikalo daye kutate waye, Hans.
Okwa weda po vali ta ti Geingob okwa li a tekulwa momudingonoko uhadi ovanhu vomihoko da yooloka, eshi oshe mu vatela opo a dule okukala ha longo novanhu va yooloka. “Otu na okukwashilipaleka kutya omilandu da pelesidente Geingob oda hanga osho da nuninwa,” Mbumba osho a ti ngaho.
OKUDJA MOLUHEPO FIYO OKOUPELESIDENTE
Geingos mewi laye Olomakaya okwa ti okwa li eudite etumba shaashi omumati ou a dalelwa koshi yomuti moshitopolwa shaShivanda paife okwa fimanekwa ounyuni aushe.
“Hage okwa li ha kwatafana noupu novanhu. Okwa li wadalwa omunafaalama wanafangwa ashike owafya omupelesidente,” Osho a ti ngaho.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
