Okomisi yomahoololo yaNamibia oya indila eekandidate odo kwa li inadi hoololwa momahoolol oo a li ko Etitau la dja ko di fimaneke nokutambula ko ehalo lovahoololi.
Eshi kwa li ta popi peshiivifo loidjemo laxuuninwa Olomakaya, omunashipundi wokomisi yomahoololo yaNamibia Elsie Nghikembua oidjemo ei otai ulike omahoololo Ovanamibia.
Okudja mOlomakaya, eholoko lovahoololi okwa li li li peepeleseda di li 40.6 momahoololo omalelo oitopolwahoololo omangha momahoololo omalelo eedoolopa kwa li ve li peepelesenda di li 36.3.
“Onda hala okuhalele ovo va hoololwa va ninge eekamusela omayambeko.
Paife indeni, ka longeni ndee tamu ka kandula po oikumungu oyo ya kundukinda oshiwana,” osho a ti ngaho.
“Kwaavo inamu shi pondola paife, e li etokolo lOvanamibia. Li tambuleni ndee tamu li itavele.”
Nghikembua okwa twa omukumu eekandidate odo inadi shi pondola di twikile nokukufa ombinga meyambukepo loshiwana, ta ti Ovanamibia aveshe nava longele kumwe va tunge Namibia e na onakwiiwa iwa.
