Uuministili wUundjolowele nOmayakulo gOnkalonawa owa tseyitha kutya okapangelo kaKuryongava mOvenduka otaka ka lundulukila konkalo yiilonga yoowili 24 ano itaa ka pata we.
Okuza momasiku 1 Auguste, okapangelo hoka itaka pata we naavu otaya kala taya pangwa mpoka omutenya nuusiku.
Ndhoka odha popiwa kuminista guundjolowele Esperance Luvindao, ngoka a popi kutya etokolo nomalunduluko ngoka otaga ningwa opo ku pupalekwe onkalo yomangundumano gaavu piipangelo momudhingoloko gwaKatutura.
Luvindao ndhoka okwe dhi tseyitha pethimbo a taamba ko oondohotola dhopaumwene 11 ndhoka dha tokola okwiiyamba mokuyakula aavu yepangelo mokapangelo kaKatutura.
“Ondungethaneko ndjoka yokutanununa oguli oshitopolwa shomathaneko gokupupaleka iilonga mokapangelo kaKatutura (hoka ka tseyika nedhina Black Chain Clinic) hoka haka yakula omwaalu gwaantu ye li pe-1 000 mesiku,” osho minista popi ngaaka.
Ethimbo lyepango mokapangelo kaKuryangava osho wo mokapangelo kaTjomuise olya lundululwa opo wu kale tawu longo nomomahuliloshiwike, noowili dhiilonga esiku kehe otadhi kala pokati ko-07h00 no19h00, sha tulwa miilonga okuza mEtiyali.
“Uupangelo mbuka ohawu taamba aavu oyendji mboka yamwe taya zi nokomalukanda goombashu.
Egwedhelo lyoowili dhiilonga otali kala lya simana nokupupaleka omutengi gwokapangelo kaKatutura(Black Chain),” osho minista a popi ngaaka.
Okwa popi kutya nonande okapangelo kaKuryangava okashona noitaka vulu okugwedhelwa onkene keli pehala ewanawa nomayakulo gopaunamiti. Iilonga yokukuta aapangi pokapangelo hoka oya tameka nale.
Uuministili owa gwedhele omwaalu gwoondohotola pokapangelo kaKatutura (Balck Chain) okuza poondohotola ndatu okuza poondohotola ntano, nongashingeyi oya waiminwa koondohotola 11 dhopaumwene ndhoka tadhi iyamba okuza po17h00 sigo 23h00.
Luvindao okwa popi kutya olweetho lwonkatu ontiyali yomalunduluko, otayi ka tulwa miilonga muKotoba, pokapangelo kaMaxuilili moshikandjohogololo shaTobias Hainyeko hoka wo taka ka tameka niilonga yoowili 24.
Omanga ta yelitha kutya oshitopolwa shaKhomas hasho owala sha taalelwa konkalo yaavu oyendji mboka taya kongo ekwatho kongulohi, Luvindao okwa popi kutya omulandu gwomalunduluko otagu ka taandelithwa kiitopolwa yilwe moshilongo.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
