Hamushangandjai woSwapo Sophia Shaningwa novalanduli vaye vati inava hafela eeminista dOkabinete odo da hoololwa kupresidente Netumbo Nandi-Ndaitwah.
Shaningwa nongudu yaye vati okwa li va tala keekandidate dimwe di lele eeministili da yooloka, ngaashi Josef Andreas a ninge minista womayambulepo eedoolopa noitopolwa yokomikunda.
Odjo ei, oya ti oshinima eshi oshimwe shomwaayo tai eta okuhatwa kumwe pokati kapresidente nomuwiliki wongudu.
Nandi-Ndaitwah okwa li a ningila Shaningwa oshivilodalo Etivali loshivike sha dja ko, ashike eedjo oda ti ongudu yovanhu ovo kwa li ve yadi moshoongalele shokuhoolola ovaleli shoSwapo shomudo 2022 otai ulike kutya otai teka po.
Oshinima eshi osha etwa kehoololo lovanambelewa vepangelo vakula.
Ovaleli ava vavali odula ya dja ko vati okwa li va udafana va ninge omatokolo aveshe mokuhoolola ovaleli nelalakano lokwatela po oukumwe mongudu eshi sha yuka pomahoololo.
Konima yomahoololo, nande ongaho, Nandi-Ndaitwah okwa hoolola neenghono opo aha kwatele mo Shaningwa, ponhele okwa ninga ashike omatokolo aye mwene, ovanhu vomeni longudu osho va ti ngaho.
Ova ti okangudu kovanhu vaShaningwa inaka hafela omunangeshefa nomuxwaxwameki oshilyo shoSwapo Josef Andreas eshi ina ulikwa a ninge minista womayambulepo eedoolopa noitopolwa yokomikunda.
Oilonga ei okwa li ya pewa James Sankwasa, oo kwa li ina dja mo membiya loSwapo, ashike okwa li a ulikwa kuNandi-Ndaitwah a ye kopaliamente.
‘OVA HALA TWA TOPOKA’
Andreas Etine okwa ti pokati kaNandi-Ndaitwah naShaningwa kapu na nande oupyakadi wa sha.
“Onda li omuxwaxwameki akula waNandi-Ndaitwah pefimbo loikonga yomahoololo , ashike kapwa li nande oshikando shimwe nda pula ndi ningwe minista,” Osho a ti ngaho.
“Ame omunangeshefa nomunafaalama ndee itandi ta mbula nande oilonga yepangelo oyo itai pitike nge ndi longe osho handi ningi paife.
“Ohandi tambula okunginga nande oshilyo shomutumbawiliki waMeatco omo handi mono ashike kashona (ngaashi N$8 000), ashike pitike nge ndi twikile okukala omunangeshefa.
“Okudja koGrootfontein nda yuka kOvenduka otaku pula nge oshimaliwa shomulele nomahooli shi fike poN$20 000. Valula. Ohandi hoolola okukala omunangeshefa ponhele yomunapolitika.
“Osho tashi li nyenge kashi na sha naame, ashike ohandi ku kwashilipaleke kutya kapu na nande okukondjifafana . . . Ovo tava andjakaneke oipupulu ovovo kwa li itava yambidida ovaleli ovo vavali ndee paife ova hala okutopaula ovanhu.
“Ovo tava kwatela nge moinima yoipupulu yavo ohava tila nge. MoSwapo otu na osho hatu ti ‘moukumwe otwa fikama, metopoko otwa teka po’. Paife ova hala tu kale twa topoka,” Osho a ti ngaho.
Okangudu kaShaningwa natango vati okwa li ka hala Ndiyakupi Nghituwamata a ulikwe a ninge minista woikwafaabulika neengeshefa.
Ashike Nghituwamata okwa li ashike a ulikwa a ninge omukulunhu wiliki woministili younamapya nounaimuna, eeshi,omeva nomatendululo omadu.
Otaku tiwa vali okangudu kahamushandjai okwa li ka hala omupedu kulunhu woUniversity of Namibia (Unam) omuprofessoli Ferdinand Gideon a ninge minista wehongo, omaduto oinima ipe, ovanyasha, omaudano, omaunghulungu nomifyuululwakalo.
Ponhele yaye, omhito ei okwa li ya pewa Sanet Steenkamp.
Oshinima shimwe vali tashi pulwa kwa li vati ominista mukulu womidingonoko nomatalelepo opo a ulikwe a ye mOkabinete a tule ongudu kumwe.
Shifeta nosho yo minista mukulu weliko Iipumbu Shiimi okwa li va shunifwa pedu va ninge ovanapaliamente vongaho.
Shifeta Etine okwa ti kakwa li nande a pulwa a ninge minista.
“Kandi na ouyelele [wokukala nda kwatelwa meenamanana],” Osho a ti ngaho.
TA NINGI OINIMA YAYE OYE AUKE
Nandi-Ndaitwah vati okwa tameka okuninga omatokolo aye oye auke konima eekandidate daye dihapu odo kwa li a hala inadi pita momakonakono opambelewa.
The Namibian okwa li a lopota kutya ehoololo lotete lapresidente lahamushanga wOkabinete okwa li Louise Shixwameni.
Omukulunhu wiliki waLetshego Namibia, Ester Kali, naye okwa li a talikila omhito yakula kuNandi-Ndaitwah, ashike ouyelele wokonima yomakonakono inau pitika presidente a ye komesho naye.
“Kandi na eshi handi ti ko kwaasho. Tangi unene,” Kali osho a lombwela oThe Namibian ngaho omwedi wa dja ko.
Nandi-Ndaitwah okwa li a handukila ovo kwa li a lombwelwa, ngaashi minista woundjolowele nomayakulo opanghalafano Esperance Luvindao, oo kwa li a popilwa kokangudu kaShaningwa.
Ashike vati eshi Nandi-Ndaitwah kwa li ta pewa omaushima kombinga yeuliko laLuvindao, okwa li vati a handuka nokwa li nokuli a hala okuningulula euliko laye.
Omundjadjukununi woikwapolitika Ndumba Kamwanyah okwa ti eelopota tadi ti opu na okuhaudafana pokati kovaleli voSwapo vakula odi li po ngaa inadi yela nawa, shaashi otadi uya ashike paife.
“Ondi wete kutya oshinima eshi otashi ningwa ashike shi xwaxwameke okuhaudafana oko kwa lopotwa, oko pamhito ei kuhe po,” Osho a ti ngaho.
Kamwanyah okwa ti omafeekelo aa ngee inaa ungaungwa nao noukeka, otaa dulu okutopola ongudu ndee taa kumu omahoololo oSwapo opaitopolwahoololo nomalelo eedoolopa muNovemba.
Omundjadjukununi woikwapolitika Henning Melber okwa ti okwa dopa okudinda oshinima eshi shaashi otashi dulika pu na omatomeno amwe aShaningwa ina holoka koivilo yongudu.
“Namibia oku hole okwaamena okwaandjakaneka oinima ihe na oukwashili. Omunhu na kale a kotoka aha ninge omatokolo puhe na oumbangi wa wana.
“Onghee ohandi pula omukalo wokuteelela nokutala neenghendabala dokukoleka omatomeno oshinima eshi,” Osho a ti ngaho.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
