Okandidate yoSwapo Paulus Nekundi oya findana po omahoololo oukamusela kOtjiwarongo Etivali.
Omunambelewa wokomisi yomahoololo yaNamibia Melody Muesse Etitatu okwa shiivifa kutya Nekundi oye a hoololwa a ninge kamusela mupe waTjiwarongo.
Muesse okwa ti Nekundi okwa findana nomawi e li 3 235, ta landulwa kokandidate yongudu yoPopular Democratic Movement (PDM) Ernst Muraranganda nomawi e li 810.
Okandidate yongudu yoIndependent Patriots for Change (IPC) Wilbardt Haihambo okwa dja mo nomawi e li 746, omanga Gabriel Manse wongudu yoNamibia Economic Freedom Fighters (NEFF) a mona omawi 126.
Muesee okwa ti ovanhu ve li 4 935 okwa va hoolola, nomawi e li 35 okwa li inaa yela.
Omahoololo okwa li a tameka potundi 07h00 fiyo opotundi 21h00 Etivali.
Evalulo lomawi okwa li la ningwa konima yokafimbo kaxupi eshi eenhele dokuhoololela da pata potundi 21h00, manga oindjemo yaxuuninwa inai shiivifwa koVooruit Primary School Hall.
Ovahoololi ve li lwopo27 870 okwa li va nyolifwa kokomisi yomahoololo opo va kufe ombinga momahoololo aa, oo kwa li a etwa eshi kamusela Marlayn Mbakera a ka waimina opaliamente momafiku 21 Marsa.
-NAMPA
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
