Edu kOkoutjete moshitopolwahoololo shaKunene ola tulwa meameno lopolifi opo ku kelelwe okufukula oikwamina kuhe li paveta.
Elombwelo eli ola shikula etokolo lOkabinete la shiivifwa Etine.
Omukunda ou li koshitopolwa shokomikunda moshitopolwahoololo shaKunene, osho shi yadi eendudu noliwa nounafaalama wokomikunda.
“Okabinete okapitika oministili yoikwafaabulika, oikwamina noikwanghono i yandje elombwelo lopambelewa tali kelela oinyangadalwa yokufukula oikwamina konhele oko ndee taka lombwele oministili yoikwameni, omatembu neameno i lombwele ovanambelewa ovo ve li koWerda Gate va twikile nokuwilika onhele oyo opo kukelelwe okufukula oikwamina kuhe li paveta,” omupopiliko wOkabinete Emma Theofelus osho a shiivifa ngaho kombinga yetokolo lOkabinete la ningwa momafiku 24 no31 Maalisa.
Eshi oshe ya konima Okabinete ka koleka eameno longopolo kOkoutjete iha kale tai fukulwa nokulongifwa shihe li paveta.
Theofelus okwa ti ekoleko e li oli li pamwe noveta oyo tai popile okwaamena eedjo dopaushitwe yomudo 1992, la landula eenghundafana noministili yomidingonoko, omifitu nomatalelepo.
