‘Oipupulu filufilu’

Ovanamati vapresidente Netumbo Nandi-Ndaitwah vavali ova ti omapopyo a ningwa komuleli wongudu yoIndependent Patriots for Change (IPC) Panduleni Itula kutya otava kufa ombinga moshikondo shomahooli oipupulu filufilu.

Itula Etivali okwa li a popya kutya ovanamati vaNandi-Ndaitwah ove na mo sha moshikondo shomahooli okupitila meengeshefa davo dopaumwene. Okwa ti kutya ofamili yapresidente otai kendabala i kale oyo tai wilike oshikondo shomahooli.

Mokati kaavo va tumbulwa omu na Ndeli Ndaitwah oo a tota ongeshefa yedina Vaneli Food CC nomukulukadi waye, Vanessa Kauta, momudo 2018.

Ongeshefa ei oya sholondodekwa ongoshitai shehangano Millenium Investment Holdings kepandja lehangano komalungula.

Millennium, ongeshefa yomunangeshefa womaaholi akula Mathews Hamutenya, i na ohokwe yakula moshikondo shoikwanghono shaNamibia noya hala okulanda oitaashi yomahooli i li 53 moshilongo ashishe.

Omonamati mutivali wapresidente, Nande Ndaitwah, e shiivike nawa nedina ‘Tate Nande’, naye okwa li a tumbulwa kuItula.

Oye mwene wehangano ledina Tradeport Namibia (Pty) Ltd, ehangano olo li na ohokwe moikwamina.

Omapopyo aItula okwa fininika enyamukulo lakola okudja kovamwainamati aveshe, ovo kwa li va yandja omukanda womapandja anhe koThe Namibian tau anye osho sha popiwa kuItula Etivali u li koshi yoshipalanyole ‘Enyamukulo koipupulu yaPanduleni’.

“Nande kakwa li tu na ohokwe yokunyamukula oipupulu yaPanduleni, oukwatya waasho kwa li ta popi owa eta tu mu nyamukule molweameno letu, oushili nounhu,” osho va ti ngaho.

“Osha yela kutya oipupulu ei otai di komunhu a handuka oo ina dopa ashike okufindana omahoololo lumwe, ashike paife okwa dengwa mo luvali. Eshi hatu tile Panduleni ota popi oipupulu nokupukifa oshiwana owina osha tongwa apa”.

MILLENNIUM

Itula okwa ti kutya Ndeli oku na ekwatafano nehangano loMillenium Investment Holdings.

Millennium oha longele kumwe nehangano ledina Vitol group okupitila moshitai hashi ifanwa Validus Energy.

Itula okwa ti ehangano lomonamati wapresidente oli li oshitai shexwata lomahangano opaiwana oo e li a hala okukufa ko oshikondo shomahooli shaNamibia.

“Paife otali ningi omakwatafano melyenge loikwamahooli,” osho a ti ngaho. Itula ina yandja nande omikanda di yambidide omapopyo aye.

Ovamwainamati ava vavali ova ti Vaneli Foods, ongeshefa younafaalama, okwa li ya totwa momudo 2018, kuNdeli nomukukadi waye.

“Okwa li nee va pumbwa oshimaliwa ndee tava i kuHamutenya, oo a kala kaume kaNdeli okudja pofikola yopetameko, ndee tai itavele a tule oshimaliwa mongeshefa omu.

Ngeno okwa li tava popi ve na eshi ve shii kombinga younafaalama, ngeno ove shii kutya ou na ondilo shi fike peni,” ovamwainamati osho va ti ngaho.

Ova ti petameko longeshefa ei, ehangano ola kuta ovanhu ve li lwopo20.

Ashike nee, ola pata momudo 2025 sha landula eshi kwa li ku na eteyo langhundipala molwomutenya nonghalo yomuloka monhele omo.

“Oilonga yetu oya kanghama ashike ohatu faneke tu kune omatama.

Katu na ohokwe momahooli, nokatu na efiku tu ka kale tu na ohokwe i li ngaho.

Vaneli ongeshefa younafaalama oyo ya tota oilonga ihapu i dulife vamwe ovo tava popi.

Katu na mo sha moMillenium, ile moNasan energies,” ovamwainamati osho va ti ngaho.

Ndeli, haende paifano, otaku tiwa okwa fa ha di keumbo lepangelo nokwa talika ko papolitika kutya okwa ehena pupresidente.

Nandi-Ndaitwah okwa li nale a nukila pomutenya kutya ofamili yaye kai na mo sha nande moshikondo shomahooli.

Itula okwa ti Tradeport, omo Nande oye e li omukulunhuwiliki nomukokoli, ohai lande nokulandifa omahooli.

Ehangano ohali ninge ongeshefa nehangano lomatuliloshikepa laNamibia ledina Namibia Port Authority (Namport).

Omonamati wapresidente okwa ti Tradeport oha lande omahooli aye koVivo Energy ndee taa etwa kodepo yehangano opo a longifwe kehangano loovene.

“Omahooli aa ohaa longifwa keeloli detu vene odo hadi umbata omitwalo dovayakulwa vetu.

Eshi hatu nwefa eeloli detu vene, ohatu kufa vakwetu ovo hatu longo kumwe navo omukundu wokulanda omahooli.

Oshinima eshi osha kala tashi longo nale okudja momudo 2019,” omonamati osho a ti ngaho.

Omukanda owa ti, ngaashi ashike omahangano akwao, Tradeport okwa ya nomaindilo ongeshefa kuNamport.

Namport ta landula nee omilandu daye mwene opo a pe ongeshefa yavo edu, omonamati osho a ti ngaho.

Ovamwainamati ava ova weda po kutya omapopyo aItula kutya Tradeport oha twala omahooli ketuliloshikepa laLuderitz “nasho oipupulu”.

“Ihatu topola omahooli meni letuliloshikepa.” osho va ti ngaho.

“Omalundilo oo hatu ningilwa aakula nokwa tula eameno letu moshiponga.

Medina ashike laasho ovanhu ovo vehe na ko na sha tava popi, tava itavelifa ovanhu kutya otu na oinima oyo tuhe na, otashi tu tanifa koshiwana,” ovanamati osho va ti ngaho.

“Ngee epangelo ola tameke oku tu amena molwoinima ei tave tu popile, otava ka kala ovo votete okunyenyeta, nande ovo ve shi etifa,” osho va ti ngaho.

“Nande ohatu hepekwa kovanhu ava efimbo nefimbo, efimbo oli na okuuya lokukatuka onghatu. Mupya munene, voo itatu va kufile nande onghatu mangha.”

Ovamwainamati ova ti oshili shavo okwa li ve shi longwa kovadali vavo.

“Kutya ova kendabale shi fike peni, kave na efiku va mone osho tava kongo shaashi kashi ko ashike nandenande,” osho va ti ngaho.

“Nafye otu na oufemba wokwaamenwa komaponokelo ehe li mondjila, ngaashi ovakwashiwana aveshe.

Onghee nee, ohatu anye neenghono omaponokelo ehe li mondjila aa hatu ningilwa, mutu molwaashike omatomeno opapolitika,” osho va ti ngaho.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.