Oilyo ipe yeumbo etivali lopashiwana oya pulwa itwikile noshikefa shomayambulepo oitopolwahoololo

Oilyo ipe yeumbo etivali lopashiwana oya indilwa i talulule onotwaveta yomayambulepo opaitopolwahoololo oyo tai lalakanene okuyambula po eyokomesho moitopolwa yokomikunda needoolopa moitopolwahoololo ya yooloka.

Oshinima eshi okwa li sha popiwa komunashipundi weumbo etivali lopashiwana oo ta i mafiku aa Lukas Muha Etitatu konguloshi pefimbo louvalelo wowina woku mu lekela mOvenduka.

Oshikako shoilyo yeumbo etivali lopashiwana shomido nhano otashi ya pexulilo mOmaandaxa, eshi sha yuka komahoololo omalelo oitopolwahoololo needoolopa momafiku 26 Novemba.

“Oshikefa shomayambulepo oitopolwahoololo otashi kufa oshiwana shetu monghalo omo shi li paife.

Ongoilyo ipe, taleni nawa onotwaveta ei ya fimana shaashi otai monika ya mwena po,” osho a ti ngaho.

Muha okwa ti oshikefa eshi nashi ninge oveta.

Onotwaveta ei okwa li ya tulwa poshitaafula momudo 2023 kokandidate ye lifikamena po yoo vene Paulus Mbangu ndee natango tai tulwa poshitaafula momutumba wopashiwana odula ya dja ko kuminista mukulu womayambulepo oitopolwa yokomikunda needoolopa Erastus Uutoni.

Ashike nee nande ongaho, onotwaveta okudja opo oya mwena po ashike.

Pefimbo presidente Netumbo Nandi-Ndaitwah kwa li ta popifa nokuyandja ouyelele koshiwana neudo, okwa shiivifa kutya onotwaveta otai ka ya poshitaafula neudo konima kwa li ya mwena po odula ya dja, ashike oshinima eshi inashi ningwa, Mbangu osho a ti ngaho.

Okwa hala onotwaveta ei i ungaungwe nayo meendelelo.

“Ovanhu inava hala oinima yakula, ova hala oinima tai ningwa meendelelo ngaashi ominono domeva.”

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.